એસ.ઓ.જી. પોલીસ સ્ટાફ દ્વારા ભાણવડ પંથકમાં હાથ ધરવામાં આવેલા પેટ્રોલીંગ દરમ્યાન સ્ટાફના ધર્મેન્દ્રસિંહ જાડેજા તથા મહાવીરસિંહ ગોહિલને મળેલી ચોક્કસ બાતમી મુજબ ભાણવડ નજીકના જામજોધપુર રોડ ઉપર આવેલા ત્રણ પાટીયા નજીકથી પસાર થઈ રહેલા જી.જે. ૧૦ ડીજી ૧૬૭૦ નંબરના કાળા કલરના અક્ટિવા મોટરસાયકલને અટકાવી અને ચેકિંગ કરવામાં આવ્યું હતું. આ મોટરસાયકલમાં ચૂનાના કોથળામાં જુદા જુદા પેકેટ બનાવીને લઈ જવાતા કુલ ૧૦ કિલો ૪૬૪ ગ્રામ ગાંજાનો જથ્થો મળી આવ્યો હતો. પોલીસને થાપ આપવાના ઈરાદે ચુનાના બાચકામાં લઈ જવાતો કુલ રૂપિયા ૧,૦૪,૬૪૦ ની કિંમતનો ૧૦.૪૬૪ કિલો ગાંજો પોલીસે કબજે કર્યો હતો.આ જથ્થો રાત્રિના અંધારાના સમયમાં લઈને નીકળેલા મૂળ જામજોધપુરના ખારાવડ પ્લોટ ખાતેના રહીશ અને હાલ સુરતના કામરેજ વિસ્તારમાં સ્થાયી થઈ અને ડ્રાઇવિંગ કામ કરતાં બટુક ઉર્ફે બુઢ્ઢાભાઈ કમાભાઇ લખમણભાઈ પરમાર નામના ૪૧ વર્ષના યુવાનને દબોચી લેવામાં આવ્યો હતો.પોલીસે રૂપિયા ચાલીસ હજારની કિંમતના એકટીવા મોટરસાયકલ સહિત કુલ રૂ. ૧,૪૬,૬૪૦ નો મુદ્દામાલ કબજે કરી, ગાંજાનો જથ્થો લઇને આવનાર બટુક ઉર્ફે બુઢ્ઢાભાઈ પરમાર સામે એન.ડી.પી.એસ.ની કલમ મુજબ ગુનો નોંધી આગળની તપાસ અર્થે ઉપરોક્ત શખ્સને ભાણવડ પોલીસને સોંપવામાં આવ્યો છે.આ સમગ્ર કાર્યવાહી એસ.ઓ.જી. પી.આઈ. જે.એમ. ચાવડા, પી.એસ.આઈ. એ.ડી. પરમાર, એએસઆઈ વિરેન્દ્રસિંહ જાડેજા, કોન્સ્ટેબલ દિનેશભાઈ માડમ, ધર્મેન્દ્રસિંહ જાડેજા, મહાવીરસિંહ ગોહિલ, નિલેશભાઈ કારેણા, રાકેશભાઈ સિધ્ધપુરા તથા કિશોરભાઈ ડાંગર દ્વારા કરવામાં આવી હતી.
Trending
- આજનું રાશિફળ: આ રાશિના જાતકોને વડીલોની સલાહ ધ્યાન પર લેવી જરૂરી બને અને મતભેદ નિવારી શકો
- ‘રામાયણ’ના રામ-સીતાનો ફર્સ્ટ લૂક થયો વાયરલ…!!!
- એક સમયે ભારતના ટુ-વ્હીલર માર્કેટ એટ્લે Bajajના આ સ્કૂટર
- બીજા તબક્કામાં આ વિસ્તારના મતદારોએ કહ્યું કે તેઓ મતદાન નહીં કરે, પછી શું થયું?
- MDH અને એવરેસ્ટ સામે યુએસમાં પણ પ્રતિબંધ આવશે ?
- રાજકોટ : પ્રદુષણ ઓકતી સિટી બસ સ્માર્ટ સિટીમાં લગાવે છે ઝાંખપ
- સુરત : ભાગતા ફરતા આરોપીને પકડવા માટે એક સ્પેશિયલ ડ્રાઈવનું આયોજન
- મણિપુરમાં ફરી હિંસા ભડકી : બે જવાન શહીદ