બોલિવુડમાં આજકાલ ખુશીઓના સમાચાર આવી રહ્યા છે બોલીવુડના ઘણા અભિનેતા અને અભિનેત્રી લગ્ન સંબંધમાં જોડાયા છે. ત્યારે બોલિવુડની વધુ એક એક્ટ્રેસનાં દિયા મિર્ઝા લગ્ન કરવા જઈ રહી છે.આ સમાચાર સ્પોટ બોય દ્વાર જાણવા મળ્યા છે.
દિયા મિર્ઝા અને વૈભવ રેખીએ લોકડાઉન દરમિયાન ઘણો સમય એક બીજા સાથે પસાર કર્યો હતો. બન્ને એક બીજાની ખૂબ નજીક આવ્યા હતા. દિયા મિર્ઝા 15 ફેબ્રુઆરીના રોજ પોતાના બોયફ્રેન્ડ વૈભવ રેખી સાથે લગ્ન કરશે . વૈભવ રેખી મુંબઈના બીઝનેસમેન અને ઈનવેસ્ટર છે.લગ્ન ધાર્મિક વિધિઓ સાથે મુંબઈમાં જ કરવામાં આવશે. એક એહવાલ મુજબ તેમના લગ્ન ખાનગી રીતે કરવામાં આવશે,ફકત વિશેષ મિત્રો અને પરિવારજનોને જ બોલાવવામાં આવશે.
આ દિયા મિર્ઝાનાં બીજા લગ્ન હશે. તેણે પહેલાં સાહિલ સંઘા સાથે લગ્ન કર્યા હતા પરંતુ 11 વર્ષ બાદ બંનેએ અલગ થવાનો નિર્ણય લીધો હતો. 39 વર્ષીય દિયા મિર્ઝાનાં લગ્નના સમાચાર સાંભળીને તેના પ્રશંસકો આશ્ચર્ય પામ્યા છે. સોશિયલ મીડિયામાં તેના ચાહકોએ બન્નેને અભિનંદન પણ પાઠવ્યા છે.
