શોપિયા, બડગામમાં સેનાના સર્ચ ઓપરેશન બાદ એન્કાઉન્ટર : લશ્કરના સંદિગ્ધ આતંકીઓનો સફાયો
શુક્રવારે કાશ્મીરમાં સુરક્ષા દળો અને આતંકીઓ વચ્ચે અલગ અલગ એન્કાઉન્ટરમાં જમ્મુ-કાશ્મીર પોલીસના વિશેષ પોલીસ અધિકારી (એસપીઓ) શહિદ થયા છે જ્યારે ત્રણ આતંકવાદીઓ ઠાર મરાયા છે. તેવું પોલીસ અધિકારીએ જણાવ્યું હતું. શુક્રવારે બડગામ જિલ્લામાં સુરક્ષા દળો અને આતંકવાદીઓ વચ્ચે એન્કાઉન્ટર થતાં એક વિશેષ પોલીસ અધિકારી (એસપીઓ) શહીદ થયા હતા અને અન્ય એક પોલીસ જવાન ઇજાગ્રસ્ત થયા હોવાના સમાચાર મળ્યા છે. બીજા એન્કાઉન્ટરમાં શુક્રવારે શોપિયાંમાં સુરક્ષાદળો સાથેની એન્કાઉન્ટરમાં ત્રણ આતંકવાદીઓ માર્યા ગયા હતા. જમ્મુ-કાશ્મીર પોલીસે કહ્યું હતું કે, એન્કાઉન્ટર કરાયેલા ત્રણ આતંકીઓ લશ્કર-એ-તૈયબા (એલઇટી) સાથે જોડાયેલા હોવાની શંકા છે. કાશ્મીરના શોપિયન અને બડગામ જિલ્લામાં સુરક્ષા દળો અને આતંકવાદીઓ વચ્ચે એન્કાઉન્ટર ચાલી રહ્યા છે. શોપિયાંમાં સુરક્ષા દળોએ ત્રણ આતંકવાદીઓને ઠાર કર્યા છે. હત્યા કરાયેલા આતંકીઓની ઓળખ હજુ થઈ નથી. બીજી તરફ બડગામમાં એન્કાઉન્ટર દરમિયાન એક એસપીઓ શહીદ થયો છે. જ્યારે એક યુવાન ઘાયલ થયો છે.
મળતી માહિતી મુજબ દક્ષિણ કાશ્મીરના શોપિયન જિલ્લાના હોમહિના ગામમાં આતંકવાદીઓની હાજરીની બાતમી પર સર્ચ ઓપરેશન શરૂ કરાયું હતું. સુરક્ષા દળોએ આખા ગામને ઘેરી લીધું હતું અને ઘરે ઘરે તલાશી લીધી હતી. બધા પ્રવેશ અને બહાર નીકળવાના દરવાજા સીલ કરવામાં આવે છે.
આ દરમિયાન આતંકીઓએ પોતાને ઘેરાયેલા જોયા અને સુરક્ષા દળો પર ફાયરિંગ શરૂ કરી દીધી. સુરક્ષાદળોએ પણ આતંકવાદીઓને યોગ્ય જવાબ આપ્યો હતો. શુક્રવારે સવારે સુરક્ષા દળોએ ત્રણ આતંકવાદીઓને ઠાર કર્યા હતા. માર્યા ગયેલા આતંકવાદીઓ પાસેથી બે એકે -૪૭ અને એક પિસ્તોલ મળી આવી છે. સૂત્રો કહે છે કે માર્યા ગયેલા આતંકવાદીઓ લશ્કરના છે. તે જ સમયે, બડગામ એન્કાઉન્ટરમાં જમ્મુ-કાશ્મીર પોલીસના એસપીઓ શહીદ થયા છે. જ્યારે એક યુવાન ઘાયલ થયો હતો. ઇજાગ્રસ્ત જવાનને હોસ્પિટલમાં દાખલ કરાયો છે. હાલમાં આ વિસ્તારમાં સર્ચ ઓપરેશન ચાલુ છે. કાશ્મીર ઝોન પોલીસના જણાવ્યા અનુસાર શહીદ એસપીઓની ઓળખ મોહમ્મદ અલ્તાફ તરીકે થઈ છે.
