જય વિરાણી, કેશોદ:
કેશોદ નગરપાલિકા બની એ પહેલાં નગરપંચાયતનાં શાસનકાળમાં કેશોદથી અગિયાર કિલોમીટર દૂર આવેલ સાબળી નદીમાં પાતાળ કુવા બનાવી જેકવેલ મારફતે કેશોદ શહેરમાં પાણી પહોંચાડવાની વ્યવસ્થા ઉભી કરવામાં આવી હતી. પરંતુ આ સાબળી વોટર વર્કસ યોજના છેલ્લાં દશેક વર્ષથી બંધ કરી અભેરાઈએ ચડાવી દેવામાં આવી છે. 
કેશોદ નજીક આવેલાં મઘરવાડા ડેરવાણ ગામ પાસે આવેલ સાબળી નદીમાં ખોરાસા પાસે ડેમ બાંધવામાં આવ્યો હોવાથી પુરતાં પ્રમાણમાં પાણી ભરાઈ રહેતું હોય ત્યારે કેશોદ નગરપાલિકા દ્વારા સાબળી વોટર વર્કસ યોજના શરૂ કરવામાં આવે તો શહેરીજનોને આવશ્યક સુવિધાઓમાં વધારો થવાની સાથે આર્થિક ફાયદો પણ થાય એવું છે. આથી આ યોજના ફરી શરૂ કરવામાં આવે તેવી લોકમાંગણી ઉઠવા પામી છે.
