હેલિકોપ્ટરમાં કમાન્ડિંગ ઓફિસર સહિત ત્રણ ઓફિસર અને એક પાયલોટ સવાર હતા
જમ્મુ-કાશ્મીરના કિશ્તવાડમાં સેનાનું હેલિકોપ્ટર ક્રેશ થયું છે. હેલિકોપ્ટર ક્રેશ થયું ત્યારે તેમાં ત્રણથી ચાર લોકો સવાર હતા. અકસ્માતમાં બે લોકો ઘાયલ થયાના સમાચાર સામે આવી રહ્યા છે. જો કે હેલિકોપ્ટર ક્રેશ થવાનું કારણ હજુ સ્પષ્ટ થયું નથી. એવું માનવામાં આવે છે કે આ ખરાબ હવામાનને કારણે હોઈ શકે છે.
જમ્મુ કાશ્મીરના કિશ્તવારમાં ભારતીય સેનાનું હેલિકોપ્ટર ક્રેશ થયું છે. આ હેલિકોપ્ટરમાં કમાન્ડિંગ ઓફિસર સહિત ત્રણ ઓફિસર અને એક પાયલોટ સવાર હતા. હેલિકોપ્ટર કેવી રીતે ક્રેશ થયું, તેમાં સવાર ઓફિસરોના નામ શું હતા, તે તમામ વિગતો મેળવાઈ રહી છે.
ભારતીય સેના દ્વારા આપવામાં આવેલી પ્રારંભિક માહિતી અનુસાર, સેનાનું એએલએચ ધ્રુવ હેલિકોપ્ટર કિશ્તવાડ જિલ્લામાં ક્રેશ થયું છે, જે ચેનાબ નદીમાં પડ્યું છે. જણાવવામાં આવી રહ્યું છે કે આ હેલિકોપ્ટરમાં બે પાયલટ અને એક કમાન્ડિંગ ઓફિસર હતા. રાહતની વાત એ છે કે આ દુર્ઘટનામાં કમાન્ડિંગ ઓફિસર સંપૂર્ણપણે સુરક્ષિત છે, જ્યારે પાઈલટને સામાન્ય ઈજા થઈ છે, જેને સારવાર માટે લઈ જવામાં આવી રહ્યો છે.
ભારતીય સેનાનું એએલએચ ધ્રુવ હેલિકોપ્ટર કેવી રીતે ક્રેશ થયું તેની કોઈ માહિતી નથી. જો કે, એવું કહેવામાં આવી રહ્યું છે કે તેની પાછળનું એક કારણ હવામાન હોઈ શકે છે. હકીકતમાં, જમ્મુ-કાશ્મીરના ઘણા વિસ્તારોમાં છેલ્લા ઘણા દિવસોથી વાદળછાયું વાતાવરણ છે અને વરસાદ પણ થઈ રહ્યો છે. એટલા માટે અનુમાન લગાવવામાં આવી રહ્યું છે કે હવામાનના કારણે આ દુર્ઘટના બની હશે. જો કે હજુ સુધી સેના તરફથી કોઈ માહિતી આપવામાં આવી નથી.
આ વર્ષની શરૂઆતમાં અરુણાચલ પ્રદેશમાં સેનાનું એક હેલિકોપ્ટર પણ ક્રેશ થયું હતું. જ્યાં મંડલા પહાડી વિસ્તાર પાસે ભારતીય આર્મી એવિએશન ચિતા હેલિકોપ્ટર ક્રેશ થતાં બે પાયલટ શહીદ થયા હતા. અકસ્માત બાદ ભારતીય સેના, સશસ્ત્ર સીમા બલ અને પોલીસ દ્વારા સર્ચ ઓપરેશન શરૂ કરવામાં આવ્યું હતું. અધિકારીઓના જણાવ્યા અનુસાર આર્મીનું ચિતા હેલિકોપ્ટર ઓપરેશનલ સોર્ટી પર હતું. આ દરમિયાન તેનો એર ટ્રાફિક કંટ્રોલર સાથે સંપર્ક તૂટી ગયો હતો. જે બાદ હેલિકોપ્ટર બોમડિલાના પશ્ચિમમાં મંડલા પાસે ક્રેશ થયું હોવાની માહિતી મળી હતી.
