મોદી મંત્ર-2: આતંકીઓનો ખાત્મો
ત્રણ મોટી કાર્યવાહી: 2 આતંકી ઠાર, બોમ્બ બ્લાસ્ટમાં બે આતંકી પકડાયા અને ટેરર ફન્ડિંગ કેસમાં પણ બે લોકોની ધરપકડ
આતંકીઓનો ખાત્મો બોલાવી જમ્મુ અને કાશ્મીરમાં શાંતિ સ્થાવવા માટે સરકાર એક્શન મોડમાં આવી ગઈ છે. સરકારે ત્રણ મોટી કાર્યવાહી કરી છે. જેમાં 2 આતંકી ઠાર કર્યા છે. બોમ્બ બ્લાસ્ટમાં બે આતંકીને પકડ્યા છે. અને ટેરર ફન્ડિંગ કેસમાં પણ બે લોકોની ધરપકડ
જમ્મુ-કાશ્મીર પોલીસને માર્ચ મહિનામાં રાજોરીમાં થયેલા બે બ્લાસ્ટનો ભેદ ઉકેલવામાં સફળતા મળી છે. આ વિસ્ફોટ પછી કોતરંકા શહેરમાં 26મી માર્ચે બે વિસ્ફોટ અને 19મી એપ્રિલે બીજો વિસ્ફોટ થયો હતો જેમાં કુલ 2 લોકો ઘાયલ થયા હતા અને 24મી એપ્રિલે બુધલના શાહપુર ગામમાં બીજો વિસ્ફોટ થયો હતો. જેમાં વધુ 2 લોકો ઘાયલ થયા હતા, ત્રણ વિસ્ફોટોનો ભેદ ઉકેલતા પોલીસે 2 આતંકીઓની ધરપકડ કરી હતી. આ કેસમાં લશ્કર-એ-તૈયબાનો રાજોરી-પૂંચ કમાન્ડર ફરાર છે. આ કેસમાં બે શકમંદોની ધરપકડ કરવામાં આવી છે, જેની ઓળખ દરાજ બુધલના રહેવાસી મોહમ્મદ શબ્બીર અને મોહમ્મદ સાદિક તરીકે કરવામાં આવી છે.
બીજી તરફ ભારતીય સેનાએ કુપવાડામાં સરહદી વાડ પાસે 2 આતંકવાદીઓને ઠાર કર્યા છે અને તેમની પાસેથી મોટી માત્રામાં હથિયારો અને દારૂગોળો અને ડ્રગ્સ જપ્ત કર્યા છે. આ ઘટના ઉત્તર કાશ્મીરના કુપવાડા જિલ્લાના કેરન સેક્ટરની છે. જમ્મુ-કાશ્મીર પોલીસે કહ્યું છે કે ક્રોસ ફાયરિંગની ઘટના દરમિયાન બંનેના મોત થયા છે.માર્યા ગયેલા બંને વ્યક્તિઓ સ્થાનિક હતા અને તેઓ આ વિસ્તારમાં હથિયારો અને દવાઓના ક્ધસાઈનમેન્ટ લેવા આવ્યા હતા અને ઘૂસણખોરીમાં મદદ કરવાનો પ્રયાસ પણ કરી રહ્યા હોઈ શકે છે. મૃતકોની ઓળખ સ્થાનિક રહેવાસી માજિદ ચેચી અને સમસુદ્દીન બેગ તરીકે થઈ છે.
આ ઉપરાંત નેશનલ ઈન્વેસ્ટિગેશન એજન્સી એ મંગળવારે જમ્મુ અને કાશ્મીરમાંથી બે વ્યક્તિઓ, તનવીર અહેમદ વાની અને પીર અરશદ ઈકબાલ ઉર્ફે આશુની એલઓસી ક્રોસ ટ્રેડ અને ટેરર ફંડિંગના સંબંધમાં ધરપકડ કરી હતી. એનઆઈએના એક અધિકારીએ જણાવ્યું કે, ધરપકડ કરાયેલા આરોપીઓ સીમા પાર એલઓસીના વેપારી છે. તેઓ તેમના પોતાના નામે અને તેમના મિત્રો, પરિવારના સભ્યો, સંબંધીઓના નામે નોંધાયેલી અનેક એલઓસી બિઝનેસ ફર્મને સંભાળતા હતા. તેઓ વિવિધ આતંકવાદી સંગઠનો અને થ્થરબાજોને પૈસા પૂરા પાડતા હતા.
