Abtak Media Google News

એક દીકરી જ્યારે પોતાનું ઘર મૂકીને પારકા ઘરે જાય છે. ત્યારે દુનિયાનો કોઈ પણ પિતા હોય તેની આંખોમાં આંસુ હશે જ. તે પિતા કદાચ દીકરો પથારીએ હોય તો એટલો નબળો નથી પડતો જેટલો દીકરીને સાસરી વળાવે છે ત્યારે પડે છે.

Advertisement

દીકરી મારી લાડકવાયી આજ ચાલી સસરીયાની વાટ,
છોડી પિયરનું પાધર જાવું તારે પારકા દેરે મન ભરી ઉચાટ.
વલોવાય કઠણ કાળજાનેં પાંપણ ભીંજાઇ જાય!!
દીકરી ચાલી રે સાસરે, આંખે આંસુ રે સરી જાય.

તારા બાળપણની વાતું અમને યાદ આવશે રે આજ,
થઈ છે તારી વિદાય દીકરી તારો ખાલીપો કોરી ખાય.
અમ દલડે લાગી લહાયનેં પાંપણ ભીંજાઇ જાય!!
દીકરી ચાલી રે સાસરે, આંખે આંસુ રે સરી જાય.

તારા વિના થયું આંગણું સુનુને થયા સુના ખોરડાં આજ,
તારા રે વિનાના કેવા કાળજા કોરાય અમે કોને કહી રાઝ.
અમ મનડું કેવું મુંજાયનેં પાંપણ ભીંજાઇ જાય!!
દીકરી ચાલી રે સાસરે, આંખે આંસુ રે સરી જાય.

તારા વિના ભાઈ ભાભી કરે છે મનભર્યો ઉચાટ,
તારા વિના જીવન બન્યુ સૂનકાર મારી બહેના
‘હાર્દિક” કહે છોડીને અમને ચાલી તું સાસરે
તારો ભાઈ થયો હવે લાચાર પરદેશી પંખી ઉડી ગયું.
અમ રુદીયો રુવેને કેવી પાંપણ ભીંજાઇ જાય!!
દીકરી ચાલી રે સાસરે, આંખે આંસુ રે સરી જાય.

-હાર્દિક સંખાવરા

A305D5F1 8318 4F6B Ad9B 3A8988Ff6D52

તમે પણ કવિતા, સ્વરચિત ગીત, ગઝલ કે કથા, ટૂંકીવાર્તા લખવાના શોખીન હોવ તો તમારા દ્વારા રચિત કન્ટેન્ટ અમને અમારા ઈ-મેઈલ એડ્રેસ [email protected] પર મોકલી આપશો. જેને તમારા નામ સાથે અમે અમારા પ્લેટફોર્મ પર મૂકીશું. તમારી આવડત, કૌશલ્ય, કળા-કૃતિને અમે ઉજાગર કરીશું. 

© 2011 - 2024 Abtak Media. Designed by ePaper Solution.