દિવાળી હિંદુઓનો ભારતમાં ઉજવવામાં આવતા સૌથી મોટા તહેવારોમાંથી એક છે. દિવાળી પાછળનો હેતુ અંધકાર પર પ્રકાશના વિજયની ઉજવણી કરવાનો અને દેવી લક્ષ્મીનું સ્વાગત કરવાનો છે, લક્ષ્મીજી આ તહેવાર દરમિયાન પૂજવામાં આવતા મુખ્ય દેવી છે.આ 5-દિવસીય દિવાળીની રજામાં સમૃદ્ધિ માટે ઘણી લાઇટ્સ અને ઝગમગતી સજાવટનો સમાવેશ થાય છે. દિવાળીની લોકપ્રિય સજાવટમાં માટીના તેલના દીવાઓનો સમાવેશ થાય છે આ ઉપરાંત મીણબત્તીઓ, ફેરી લાઇટ્સ, રંગોળી, તોરણ, મેરીગોલ્ડ માળા અને ફાનસની પણ બોલબાલા રહે છે.
1. દિવા
દિવા એ એક નાનો માટીનો તેલનો દીવો છે અને દિવાળીનું મુખ્ય પ્રતીક છે. દિવા સામાન્ય રીતે માટીના બનેલા હોય છે અને તેમાં કપાસની દિવેટ હોય છે અને તેને પ્રગટાવવામાં મદદ કરવા માટે ઘી અથવા તેલના નાખવામા આવે છે. ઘણા દિવા સાદા વેચવામાં આવે છે પરંતુ આ દિવા સુંદર પેટર્ન અને રંગોથી રંગી શકાય છે.
2.રંગોળી
રંગોળી એ એક ડિઝાઇન છે જે હાથ વડે બનાવવામાં આવે છે અને રંગબેરંગી સામગ્રી જેમ કે રંગીન ચોખા, લોટ, રેતી અથવા ફૂલોનો ઉપયોગ કરીને જમીન પર બનાવવામાં આવે છે. રંગોળી સજાવવાનો મુખ્ય હેતુ લક્ષ્મીને અને મહેમાનોને ઘરમાં આવકારવાનો છે. રંગોળી બનાવવી એ મોટાભાગે ઘરની મહિલાઓનું કામ હોય છે. રંગોળી ડિઝાઇન એક પેઢીથી બીજી પેઢી સુધી પરિવારો દ્વારા આગળ વધારવામાં આવે છે.
3. મીણબત્તીઓ
દિવાળીના મુખ્ય કેન્દ્રોમાંનું એક રાત્રિ દરમિયાન પ્રકાશનું સર્જન છે. ફાનસ અને દીવાઓથી ઘરો અને વ્યવસાયોને શણગારવા લાઈટ ઉપરાંત, ઘરની અંદર મીણબત્તીઓનો પણ ઉપયોગ કરવામાં આવે છે. મીણબત્તીઓ ઘણીવાર લાંબા સમય સુધી પ્રગટે છે અને તેલના ફાનસ કરતાં આ વધુ સુરક્ષિત હોઈ શકે છે.
4. સ્ટ્રીંગ લાઈટ્સ
સ્ટ્રીંગ લાઇટ્સ અથવા ક્રિસમસ લાઇટ્સ એ દિવાળીની એકદમ આધુનિક સજાવટ છે. દરેક વ્યક્તિ પાસે અનેક મીણબત્તીઓ અથવા દીવાઓથી પોતાના ઘરને સજાવવા માટે સમય અને શક્તિ હોતી નથી અને ઇલેક્ટ્રિક લાઇટ્સ પણ ઘણી સુરક્ષિત હોય છે અને ચિંતા કર્યા વિના આખી રાત તેને સળગતી છોડી શકાય છે.
5. દિવાળી તોરણ
તોરણ, જેને બંધનબાર તરીકે પણ ઓળખવામાં આવે છે, તે દરવાજાને સુશોભિત કરવા લટકાવવામાં આવે છે. જેનો ઉપયોગ દિવાળી દરમિયાન થાય છે અને સામાન્ય રીતે ઘરના મુખ્ય પ્રવેશદ્વાર પર મૂકવામાં આવે છે. આ સજાવટનો હેતુ મહેમાનો અને ખાસ કરીને દેવી લક્ષ્મીનું સ્વાગત કરવાનો છે જેથી તે પરિવારને સુખ અને સંમૃદ્ધિનો આશીર્વાદ આપી શકે.
6. પેપરમાંથી બનેલા તારલા અને લેમ્પ
– ફાનસ દિવાળીની ઉજવણીનો જરૂરી ભાગ છે અને લોકો તેને દિવાળી દરમિયાન પોતાના ઘરની બહાર તેને લટકાવે છે. પેપર ફાનસ એ દિવાળી પર ઉપયોગમાં લેવાતા ફાનસનો સૌથી સામાન્ય પ્રકાર છે કારણ કે તે ઘરે બનાવવા માટે સૌથી ઈઝી છે. પરિવારો માટે આ એક મનોરંજક પ્રવૃતિ એ છે કે એકસાથે ફાનસ બનાવવા માટે તમારે લાકડીઓ, રંગીન કાગળ અને ગુંદરની જરૂર છે.
7. ગલગોટાના હાર
ગલગોટાને કેટલીકવાર ‘સૂર્યની જડીબુટ્ટી’ કહેવામાં આવે છે અને તે વ્યક્તિના મૂડમાં સુધારો કરવા અને તણાવ દૂર કરવા જેવા ઘણા ફાયદાઓ માટે જાણીતા છે. હિન્દુ ધર્મમાં, આ નારંગી અને પીળા ફૂલોને ખાસ કરીને નવી શરૂઆત અને મહત્વપૂર્ણ જીવન પ્રસંગો માટે શુભ માનવામાં આવે છે. ભારતમાં ગલગોટાનો ઉપયોગ સામાન્ય રીતે ધાર્મિક વિધિઓ દરમિયાન અને ધાર્મિક પ્રસંગોએ કરવામાં આવે છે. આ ફૂલોનો ઉપયોગ સામાન્ય રીતે આ દેવતા લક્ષ્મી અને ગણેશને અર્પણ કરવામાં આવે છે.
