‘ભ્રામક’ છૂટાછેડામાં પત્ની ન હોવા છતાં સ્ત્રીને પતિની ‘અર્ધાંગિની’ ગણી શકાય!!

પુરુષ છૂટાછેડાનું જૂઠ બોલીને અન્ય સ્ત્રી સાથે લગ્ન કર્યા હોય તો બીજી પત્ની સીઆરપીસીની કલમ 125 હેઠળ ભરણ-પોષણ મેળવવા માટે હકદાર છે તેવો ચુકાદો બોમ્બે હાઇકોર્ટે આપ્યો છે.

ન્યાયાધીશ રાજેશ પાટીલે ચુકાદો આપ્યો હતો કે પ્રતિવાદીને તેના પોતાના જુઠાણાંનો લાભ આપી અરજદારને ભરણપોષણનો દાવો નકારવાની મંજૂરી આપી શકાતી નથી. અદાલતે અવલોકન કર્યું હતું કે, સીઆરપીસીની કલમ 125 હેઠળ જયારે પુરુષ છૂટાછેડાનું જૂઠ બોલીને અન્ય સ્ત્રી સાથે લગ્ન કરે તરવા કિસ્સામાં સ્ત્રીને ‘અર્ધાંગિની’ ગણવામાં આવશે.

છૂટાછેડાનું જુઠાણું બોલી લગ્ન કર્યા હોય તો પત્ની ભરણ-પોષણ મેળવવાને હકદાર

ચુકાદા મુજબ જો દાવેદાર મહિલા એ સ્થાપિત કરી શકે છે કે તેણી અને પ્રતિવાદી પતિ અને પત્ની તરીકે સાથે રહેતા હતા તો કોર્ટ તેમને કાયદેસર રીતે પરિણીત જીવનસાથી હોવાનું માની શકે છે. ખાસ કરીને કારણ કે જાળવણીનો દાવો કરવા માટે પુરાવાના ધોરણો આઈપીસી હેઠળના ટ્રાયલ્સમાં જરૂરી હોય તેના કરતાં વધુ હળવા છે.

અરજદારે દાવો કર્યો હતો કે તેણીએ 1989માં પ્રતિવાદી સાથે લગ્ન કર્યા હતા જ્યારે પ્રતિવાદીએ તેણીને કહ્યું હતું કે તેણે તેની પ્રથમ પત્નીને છૂટાછેડા આપી દીધા છે કારણ કે તેણી તેની સાથે સહવાસ કરતી ન હતી અને પુરુષ બાળકને ગર્ભધારણ કરવામાં સક્ષમ ન હતી. 1991માં, તેણીએ એક બાળકને જન્મ આપ્યો હતો. જે બાદ પ્રથમ પત્નીની મધ્યસ્થી દ્વારા તેઓ બધા સાથે રહેવા લાગ્યા હતા. તેં બધા સાથે રહેતા હતા તેં દરમિયાન બંને પત્નીઓએ ગર્ભ ધારણ કર્યો અને બાળકોને જન્મદિવસ આપ્યો હતો જે બાદ બીજી પત્નીને ઘરમાંથી કાઢી મુકવામાં આવી હતી અને ભરણપોષણ આપવાનું ઓણ બંધ કરી દેવામાં આવ્યું હતું.

બીજી પત્નીએ 2012માં સીઆરપીસીની કલમ 125 હેઠળ ભરણપોષણ મેળવવા માટે કોર્ટનો સંપર્ક કર્યો હતો. કોર્ટે તેણીની અરજી મંજૂર કરી અને રૂ. 2,500 પ્રતિ માસ ભરણપોષણ પેટે ચૂકવવા પતિને આદેશ કર્યો હતો. જોકે, સેશન્સ કોર્ટે આ આદેશને રદ કર્યો હતો. સેશન્સ કોર્ટના આદેશ સામે મહિલાએ હાઈકોર્ટનો સંપર્ક કર્યો હતો.

પતિએ દાવો કર્યો હતો કે તેણે ક્યારેય અરજદાર સાથે લગ્ન કર્યા નથી. મેજિસ્ટ્રેટ સમક્ષ અરજદારે પોતાની જાત, તેના બે પુત્રો અને અન્ય બે વ્યક્તિઓની તપાસ કરી કે જેઓ લગ્ન સમયે હાજર હતા.

સાક્ષી તપાસ્યા બાદ અદાલતે ચુકાદો આપ્યો હતો કે, આ મામલામાં પતિએ જૂઠ બોલીને લગ્ન કર્યા હોવાથી સ્ત્રીને પત્નીનો દરજ્જો આપવો પડે છે અને પત્ની ભરણપોષણ મેળવવાને હકદાર છે. અદાલતે નીચલી કોર્ટના ભરણપોષણના આડેશને માન્ય રાખ્યો હતો.