મહારાષ્ટ્રના રાયગઢમાં શનિવારે સવારે બસને અકસ્માત નડ્યો હતો જેમાં ૧૨ લોકોના મોત થતા ચકચાર મચી જવા પામી છે. ખાપોલી વિસ્તારમાં બસ રોડ પરથી ઉતરીને ખાડામાં પડી હતી. આ અકસ્માતમાં 12 લોકોના મોત થયા છે, જ્યારે 25થી વધુ લોકો ઘાયલ થયા છે. અકસ્માત બાદ તરત જ સ્થાનિક લોકોએ બસમાં સવાર લોકોને બચાવવાના પ્રયાસો શરૂ કર્યા હતા.
VIDEO | Several dead as bus fell into a gorge in Raigad district of Maharashtra in the early hours of Saturday. pic.twitter.com/O38G7edD9i
— Press Trust of India (@PTI_News) April 15, 2023
પોલીસના જણાવ્યા અનુસાર ખાનગી બસ પૂણેથી મુંબઈ જઈ રહી હતી. મુંબઈ-પુણે હાઈવે પર શિંગરોબા મંદિર પાસે બસ ચાલકે કાબૂ ગુમાવી દેતાં બસ રોડ પરથી ઉતારીને ખાડામાં પડી ગઈ હતી. બસમાં 40 જેટલા મુસાફરો સવાર હતા જેમાં ૧૨ લોકોના મોત અને ૨૫થી વધુ લોકો ઈજાગ્રસ્ત થયા હતા.
