ગયા વર્ષની સરખામણીએ આ વર્ષે ઉમેદવારોની સંખ્યા 2.57 લાખ જેટલી વધુ: સૌથી વધુ ઉમેદવારો મહારાષ્ટ્રના, તે પછી બીજા નંબરે ઉત્તરપ્રદેશના
લોકો એન્જીનીયરીંગ છોડી મેડિકલ તરફ વળ્યા હોય તેવો ઘાટ સર્જાયો છે. કારણકે નિટ-યુજીની પરીક્ષા માટે 20 લાખથી વધુ રજીસ્ટ્રેશન થયાનું જાહેર કરવામાં આવ્યું છે.
એમબીબીએસ સહિત વિવિધ તબીબી અભ્યાસક્રમોમાં પ્રવેશ માટે જરૂરી એવી નિટ-યુજીની પરીક્ષા માટે રેકોર્ડ 20.87 લાખ ઉમેદવારોએ અરજી કરી છે. તેમાંથી લગભગ 60 ટકા એટલે કે 12 લાખ વિદ્યાર્થીનીઓ છે. પરીક્ષા 7 મેના રોજ લેવામાં આવશે. ઉમેદવારોની સંખ્યાના સંદર્ભમાં, નેશનલ એલિજિબિલિટી કમ એન્ટ્રન્સ ટેસ્ટ-અંડરગ્રેજ્યુએટ એટલે કે નિટ-યુજી દેશની સૌથી મોટી પરીક્ષા છે.
ગયા વર્ષની સરખામણીએ આ વર્ષે ઉમેદવારોની સંખ્યા 2.57 લાખ વધુ છે. તેમાંથી 11.80 લાખ વિદ્યાર્થીનીઓ છે, જે પુરૂષ ઉમેદવારો કરતાં 2.8 લાખ વધુ છે. કુલ વિદ્યાર્થીઓની સંખ્યા 9.02 લાખ છે.મહારાષ્ટ્રમાં સૌથી વધુ ઉમેદવારો છે, ત્યારબાદ ઉત્તર પ્રદેશ છે. નિટ-યીજી દ્વારા, એમબીબીએસ સિવાય, બીડીએસ, બીએએમએસ, બીએસએમએસ, બિયુએમએસ, બીએચએમએસ અને બી.એસસી નર્સિંગ અભ્યાસક્રમોમાં પ્રવેશ ઉપલબ્ધ છે.
7 મેએ નિટ-યુજીની પરીક્ષા લેવાશે
નિટ-યુજી પરીક્ષા 7 મે, 2023 ના રોજ લેવામાં આવશે. આગામી પરીક્ષા માટેની શહેરની માહિતીની સ્લિપ એનટીએ દ્વારા ટૂંક સમયમાં બહાર પાડવામાં આવે તેવી અપેક્ષા છે. તે જ સમયે, આ પછી એડમિટ કાર્ડ પણ ટૂંક સમયમાં બહાર પાડવામાં આવશે. પરીક્ષા સિટી સ્લિપ અને એડમિટ કાર્ડ બંને સત્તાવાર વેબસાઇટ પર બહાર પાડવામાં આવશે. ઉમેદવારો પોર્ટલ પર લોગિન કરીને ડાઉનલોડ કરી શકે છે.
