અબતક, રાજકોટ
શિક્ષણ મંત્રી જીતુભાઇ વાઘાણીના અધ્યક્ષસ્થાને આગામી 26 જાન્યુઆરીના રોજ જિલ્લા કક્ષાના પ્રજાસત્તાક દિનની ઉજવણી રાજકોટ પોલીસ પરેડ ગ્રાઉન્ડ ખાતે યોજાનાર છે. જેનું આજે કલેકટરે અરુણ મહેશ બાબુના અધ્યક્ષસ્થાને રીહર્શલ કરવામાં આવ્યું હતું .
કલેકટર દ્વારા રીહર્શલમાં રાષ્ટ્ર ઘ્વજ ફરકાવી ઘ્વાજને સલામી તેમજ પોલીસ બેન્ડ દ્વારા રાષ્ટ્રગાન કરવામાં આવ્યું હતું. ત્યારબાદ પરેડ કમાન્ડર પી.આઈ. એન.એ. કોટડીયાના વડપણ હેઠળ કલેકટરે પરેડનું નિરીક્ષણ કર્યું હતું. પરેડમાં રાજકોટ સીટી, ગ્રામ્ય, મહિલા પોલીસ, સીટી ટ્રાફિક બ્રિગેડના જવાનો ઉપસ્થિત રહ્યા હતાં.
26 મી જાન્યુઆરીના મંત્રી વાઘાણી દ્વારા થનારા ઉદબોધન તેમજ રાષ્ટ્રગાના કાર્યક્રમ બાદ કોરોના વોરિયર્સને પ્રિકોશન ડોઝ આપવામાં આવશે. મંત્રીશતથા મહાનુભાવો દ્વારા વૃક્ષારોપણ સાથે કાર્યક્રમ સંપન્ન થશે. રીહર્શલ અન્વયે અધિક નિવાસી કલેકટર કે.બી. ઠક્કર, પ્રાંત અધિકારી, મામલદારો સહીત વહીવટી વિભાગના કર્મચારી તેમજ પોલીસ અધિકારીઓ ઉપસ્થિત રહ્યા હતાં.
