ઉપલેટા વિસ્તારમાં છેલ્લા ત્રણ દિવસથી ભારે વરસાદને કારણે મોજ, વેણુ અને ભાદર નદીમાં ભારે ઘોડાપુર આવતા નદીકાંઠા વિસ્તારમાં લાઠ, ભીમોરા, મજેઠી, કુઢેચ સહિતના વિસ્તારોમાં એનડીઆરએફ તથા એસડીઆરએફની ટીમ તૈનાત કરવામાં આવી હતી. ઉપલેટા તાલુકાના ભીમોરા ગામના ત્રણ વ્યકિતઓનો જુનાગઢ ફાયર બ્રિગેડની ટીમે આબાદ બચાવ કર્યો હતો. મામલતદાર, ટીડીઓ, પીએસઆઈ સહિતની પુરી ટીમે લાઠ ગામે રાત્રી રોકાણ કરી વ્યવસ્થા કરી હતી.
