તા. ૨.૭.૨૦૨૩ રવિવાર, સંવંત ૨૦૭૯ અષાઢ સુદ ચતુર્દશી, જ્યેષ્ઠા નક્ષત્ર, શુક્લ યોગ, ગર કરણ આજે બપોરે ૧.૧૮ સુધી જન્મેલાંની ચંદ્રરાશિ વૃશ્ચિક (ન ,ય ) ત્યારબાદ ધન (ધ,ભ,ફ,ઢ) રહેશે.
મેષ (અ,લ,ઈ) : ધાર્યા કામ પાર પાડી શકો, હકારાત્મક વિચારોથી લાભ થાય,દિવસ પ્રગતિકારક રહે.
વૃષભ (બ,વ,ઉ) : ધીમે ધીમે પરિસ્થિતિ તરફેણમાં આવે,આગળ વધવાની તક મળે, દૈવી સહાય પ્રાપ્ત થાય ,શુભ દિન .
મિથુન (ક,છ,ઘ) : આંતરિક સંબંધોમાં સારું રહે,મતભેદ નિવારી શકો,વડીલોની સલાહ ધ્યાન પર લેવી જરૂરી બને.
કર્ક (ડ,હ) : નિયમિત જીવનપદ્ધતિ થી આગળ વધશો તો સફળતા મળશે, રોજનીશી લખવાની ટેવ કામ લાગશે, ભૂતકાળ પર થી શીખવું પડે.
સિંહ (મ,ટ) : વિદેશ જવા ઇચ્છતા કે ઉચ્ચ અભ્યાસ કરવા ઇચ્છતા મિત્રોને સારી તક પુરી પડતો દિવસ. સ્ત્રીવર્ગને પણ સારું રહે.
કન્યા (પ,ઠ,ણ) : પરિવાર સાથે આનંદ માણી શકો,દિવસ, નવી વ્યક્તિઓને ઉત્સાહપૂર્વક મળી શકો, દિવસ લાભદાયક રહે.
તુલા (ર,ત) : નવા કાર્યમાં ઈશ્વરી સહાય મળે,વિચારોમાં નવીનતા આવે, રચનાત્મક પ્રવૃત્તિ કરી shako.
વૃશ્ચિક (ન,ય) : તમારા શોખ માટે સમય ફાળવી શકો, મન થી હળવાશ અનુભવી શકો,આગળ વધવાની તક પ્રાપ્ત થાય.
ધન (ધ,ભ,ફ,ઢ): જીવનમાં નવા પરિવર્તનનો પવન ફૂકાતો જોવા મળે, તમારી પ્રતિભામાં વૃદ્ધિ થાય, કાર્યની સરાહના થાય, શુભ દિન.
મકર (ખ,જ) : બીજાની ચિંતા ના કરતા સ્વયં પર ધ્યાન આપવું, ખર્ચ પર અંકુશ રાખવો,નેગેટિવ વિચારો ટાળવા સલાહ છે.
કુંભ (ગ,સ,શ ) : મિત્રો સાથે આનંદ માણી શકો,ગમતી પ્રવૃત્તિ કરી શકો, અચાનક કોઈ તક ઉભી થહતી જણાય.
મીન (દ,ચ,ઝ,થ): વેપારીવર્ગને લાભ થાય, સ્ત્રીવર્ગને મધ્યમ ,નોકરિયાતવર્ગ ને સારું રહે,ઈચ્છીત પરિણામ પ્રાપ્ત કરી શકો.
–જ્યોતિષાચાર્ય રોહિત જીવાણી
મંગળ મહારાજના સિંહમાં આવવા સાથે મણિપુરથી લઈને ફ્રાન્સ સુધી રાજકીય અને પ્રજામાં અશાંતિ જોવા મળી રહી છે મંગળના સિંહમાં આવવા સાથે તે વક્રી શનિની સાતમી દ્રષ્ટિમાં અને રાહુથી પાંચમે આવે છે. સૂર્યના ઘરમાં મંગળ રાજકીય ઘટનાક્રમને અચાનક અલગ દિશામાં લઇ જનાર બને છે અને છત્રભંગ જેવી સ્થિતિનું નિર્માણ કરે છે જેની અસર વિશ્વના અનેક દેશ અને પ્રદેશમાં જોવા મળશે અને સત્તાનું અચાનક હસ્તાંતરણ થતું જોવા મળશે વળી સંસદનું આગામી ચોમાસુ સત્ર પણ તોફાની રહેશે અને આ સમયમાં કુદરત પણ વર્ષાના રૂપે પહાડી વિસ્તારો માં વધુ કહેર વરસાવે અને ભૂસ્ખલન અને વાદળ ફાટવાની ઘટનાઓ વિશેષ બનતી જોવા મળે તથા પૂર જેવી સ્થિતિ પણ જોવા મળે જેથી ડેમ વિગેરે પર વિશેષ કાળજી રાખવી પડે. મંગળની આ સ્થિતિના કારણે મોટા રાજકીય પક્ષોમાં પણ મોટા વિખવાદ જોવા મળે અને સંગઠનની લઈને સત્તામાં અનેક ઉલટફેર જોવા મળે વળી વિશ્વસ્તરે પણ રાજનીતિના નવા આયામ જોવા મળે અને અનેક દેશની રાજનીતિમાં વિદેશનીતિ બદલાતી જોવા મળે વળી મંગળ સેના દર્શાવે છે માટે આ સમયમાં સેના બાબતે પણ મહત્વના નિર્ણયો જોવા મળે અને અનેક દેશમાં સેના હાવી થતી જોવા મળે વળી કેટલાક દેશને આંતરવિગ્રહ સામે ઝઝૂમવું પડે.
–જ્યોતિષાચાર્ય રોહિત જીવાણી
૭૯૯૦૫૦૦૨૮૨