૯ ખલાસીઓનો આબાદ બચાવ
કેન્દ્ર શાશીત દીવ ના દરીયા મા મોડીરાત્રીના નવસારીની ” ‘પાર્વતી દેવી ” નામની બોટની અંદર પાણી ભરાતા જળસમાધિ થયેલ છે. જોકે અન્ય બોટો દ્રારા ૯ ખલાસીઓનો આબાદ બચાવ થયો છે.
સૌરાષ્ટ્ર મા છેલ્લા પાંચ દિવસથી અનરાધાર વરસાદ સાથે ભારે પવન ફુંકાઇ રહ્યો છે ત્યારે બંદર પણ ૩ નંબરનું સીગ્નલ લગાવાયુ છે અને માછીમારો ને પણ દરીયો ન ખેડવાની સૂચના અપાઇ હતી . ત્યારે નવસારીની “પાર્વતી દેવી” નામની બોટ ફીશીંગ દરમિયાન દીવના દરીયામા આવી પહોચી હતી જયા ભારે પવન અને વિશાળકાય મોજા વચ્ચે બોટના પઠાણમાથી બોટમા પાણી ભરાવાનુ મોડીરાત્રીના જ ચાલુ થઇ ગયેલ હતુ. આ બોટમા નવસારીના ૯ જેટલા ખલાસીઓ હતા .બોટમા પાણી બંધ કરવાના અથાગ પ્રયત્ન છતા પાણી બોટમા ભરાવાનુ બંધ થયું ન હતું. બોટ ની દરીયામા જળસમાધિ થયેલ છે . બોટમા રહેલા ખલાસીઓ ને સ્થાનીક ૩ બોટો દ્રારા બચાવવામાં સફળતા મળી છે. બોટના ખલાસી સાથે વાત કરતાં તેમને જણાવ્યું હતું કે તેમને તંત્ર ને જાણ કરી હતી પરંતુ તંત્ર દ્વારા તેમને કોઈપણ પ્રકારની મદદ મળી ન હતી.
નોંધનીય છે કે વાયુનંદન સેવા સંસ્થાન દીવ ના જીતુભાઈ બારૈયા ને સવારે બનાવની જાણ થતા તેને દીવ તંત્ર ને તેમજ માછીમાર સમાજના આગેવાનોને જાણ કરી હતી .
