મારી મજાક કેમ કરી કહી યુવકને ઢીબી નાખ્યો

•   તાલુકા પોલીસ મથકે ત્રણ શખ્સો વિરુદ્ધ નોંધાતો ગુનો

રાજકોટ શહેરના વિસ્તારમાં ભીમ નગર વિસ્તારમાં મારી મજાક કેમ કરી એમ કહી યુવકને ઢોર માર માર્યા હોવાની ફરીયાદ તાલુકા પોલીસ મથકે નોંધાઇ છે.બનાવની પ્રાપ્ત વિગતો અનુસાર શહેરના ભીમનગર શેરી નં 8 માં રહેતા અને કડિયા કામ કરતા શ્યામલાલભાઈ કવરભાઈ મેઘવાળે તાલુકા પોલીસ મથકે પાડોશમાં રહેતા રુગનાથ મેઘવાળ,રામ દયાલ મેઘવાળ અને રુગનાથ ની પત્ની સામે માથા તથા ગાલના ભાગે લોખંડનો સળિયા વડે મારમાર્યાની ફરિયાદ નોંધાવી છે.

શ્યામલાલ મેઘવાળ નોંધાવેલી ફરિયાદમાં જણાવ્યું છે કે તેઓ ગત તા.23 ના બાર વાગ્યાના સુમારે પોતાના ઘરની બહાર હતા ત્યારે આરોપી રુગનાથે આવી મારી મજાક કેમ કરતો હતો એમ કહી માથાકુટ કરી ગાળો બોલી ઉશ્કેરાઇને લોખંડના સળીયા વડે માથામાં મારી દીધો હતો અને આ બનાવમાં દેકારો થતાં રુગનાથ ની પત્ની અને રામ દયાલ મેઘવાળ સહિતે લાકડી વડે માર માર્યા હતો.આ બનાવમાં શ્યામલાલ ઘવાતા તેમને સિવિલ હોસ્પિટલમાં સારવાર અર્થે ખસેડવામાં બાદ શ્યામલાલ ભાઈની ફરિયાદ પરથી તાલુકા પોલીસે ત્રણ શખ્સ વિરુદ્ધ ગુનો નોંધી કાયદેસરની કાર્યવાહી હાથ ધરી છે.