કોરોનાના કપરાકાળમાં આરોગ્ય સેવા પૂરી પાડવા માટે સિવિલ હોસ્પિટલમાં સતત ખડેપગે રહેનાર કોરોના વોરીયર્સનું જિલ્લા કલેકટર રેમ્યા મોહનના હસ્તે તબક્કાવાર સન્માન કરવામાં આવી રહ્યું છે. જે અંતર્ગત આજે ૫૬ જેટલા ડોક્ટરો, નર્સ અને લેબટેકશિયનનું જિલ કલેકટર રેમ્યા મોહને પ્રમાણપત્ર અર્પણ કરી સન્માન કર્યું હતું. આ વેળાએ અધિક જિલ્લા કલેકટર પરિમલ પંડ્યા સહિતના અધિકારીઓ પણ ઉપસ્થિત રહ્યા હતા. આ વેળાએ જિલ્લા કલેકટર રેમ્યા મોહને તમામ આરોગ્ય કર્મચારીઓને સેવાને બિરદારી ભવિષ્યમાં પણ તેઓ આવી જ રીતે સેવા પ્રદાન કરી લોકોને બીમારીમુક્ત બનાવતા રહે તેવી શુભેચ્છાઓ પાઠવી હતી.
