અગાઉ શિક્ષણ બોર્ડે વર્ગ દીઠ 10થી વધુ નહી તેટલા વિદ્યાર્થીઓને વર્ગ દીઠ પ્રવેશ આપવા મંજૂરી આપી હતી
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધો.10માં નાપાસ થયેલા વિદ્યાર્થીઓને શાળામાં પૂન: પ્રવેશની જોગવાઈ રદ કરવાનો નિર્ણય લેવામાં આવ્યો છે. અગાઉના નિયમ મૂજબ બોર્ડ દ્વારા નાપાસ થયેલા વિદ્યાર્થીઓને પૂન: પ્રવેશ ફાળવતી હતી પરંતુ તાજેતરમાં બોર્ડે શાળાઓને અંધારામાં રાખીને જોગવાઈ રદ કરી નાખી હતી. પોરબંદરની એક સ્કુલ દ્વારા ધો.10માં નાપાસ થયેલા 20 જેટલ વિદ્યાર્થીઓના પ્રવેશ અંગે રજૂઆત કરી હતી. જોકે બોર્ડ દ્વારા આ રજૂઆત રદ કરી દેવામાં આવી છે.
શિક્ષણ બોર્ડની ધો.10ની પરીક્ષામાં નાપાસ થયેલા વિદ્યાર્થીઓ શાળામાં પૂન: પ્રવેશ મેળવવા માંગતા હોય તો તે અંગે બોર્ડ દ્વારા જોગવાઈ કરવામાં આવેલી હતી. જેમાં બોર્ડ દ્વારા લેવામાં આવેલી ધો.10ની આખરી પરીક્ષામાં નાપાસ થયા બાદ નોંધાયેલી શાળામાં ફરી જોડાનાર 10થી વધુ નહીં જેટલા વિદ્યાર્થીઓને અધિકારીની પરવાનગીથી ધો.10ના પ્રત્યેક વર્ગમાં પ્રવેશ આપી શકાશે. તેમ જણાવ્યું હતુ.
જોકે બોર્ડ દ્વારા તાજેતરમાં આ જોગવાઈ શાળાઓને અંધારામાં રાખીને બંધ કરી દીધી હોવાનું સામે આવ્યું છે.પોરબંદરની એક સ્કુલ દ્વારા ધો.10ના માર્ચ 2022ની પરીક્ષામાં નાપાસ થયેલા 20 જેટલા વિદ્યાર્થીઓને નિયમિક પ્રવેશ આપવા માટે રજૂઆત કરી હતી. જેના પગલે બોર્ડ દ્વારા પૂન: પ્રવેશની જોગવાઈ રદ કરવામાં આવી હોવાની સ્પષ્ટતા હતી ગ્રાન્ટ નીતિ બનાવવામા આવી ત્યારે ગ્રાન્ટઈનએઈડ કોર્ડ અમલમાં આવ્યા હતા. ત્યારે પણ જૂની પરીક્ષાના નાપાસ થયેલા વિદ્યાર્થીઓને 10 ટકા સુધી એટલે કે 60ના વર્ગમાં 6 વિદ્યાર્થી સુધી પુન: પ્રવેશ આપી શકાય. તેવી જોગવાઈ કરવામા આવી હતી. ડીસેમ્બર 2021 પહેલા આ જોગવાઈ ગુજરાત માધ્યમિક શિક્ષણ વિનીયમો 1947માં પણ હતી. ત્યારબાદ બોર્ડમાં ચુટાયેલુ બોર્ડ ન હતુ માત્ર અધિકારીઓ સાક્ષીત બોર્ડ હતુ ત્યારે નાપાસ થયેલા વિદ્યાર્થીઓને પુન: પ્રવેશની જોગવાઈ રદ કરવામાં આવી હતી.
