રાજકોટ જિલ્લામાં ચાલુ ખરીફ સીઝનમાં કપાસના પાકમાં ગુલાબી ઇયળનો ઉપદ્રવ જોવા મળે તો ખેડૂતો આ સમસ્યાઓ માટે તકેદારીનાં પગલાં લઇ આ ઇયળને નિયંત્રણમાં લઈ શકે છે. જે અન્વયે કપાસની ગુલાબી ઈયળનો ઉપદ્રવ અટકાવવા માટે કપાસમાં છેલ્લે અપાતુ પિયત બંધ કરવું અને પાકનો અંત લાવવો,કપાસના ખેતરમાં ખરી પડેલા ફૂલ, કળી અને જીંડવા ભેગા કરી તેનો સેન્દ્રિય ખાતર બનાવવામાં ઉપયોગ કરવો, કપાસની છેલ્લી વીણી પછી ખેતરમાં ઘેટાં-બકરાં તથા ઢોરને ચરાવવાથી કપાસના છોડ ઉપરની ઉપદ્રવિત કળીઓ, ફૂલ તેમજ ખૂલ્યા વગરના જીંડવા ચરી જતા હોય છે, જેથી ગુલાબી ઇયળના અવશેષ પ્રભાવન ઓછો કરી શકાય, કપાસનો પાક પૂર્ણ થતાં તેના અવશેષો યાંત્રિક ઉપકરણ (શ્રેડર) થી ભૂકો/ટૂકડા બનાવી સેન્દ્રિય ખાતર બનાવવામાં ઉપયોગ કરવો, સંગ્રહ કરેલ કપાસમાં ગુલાબી ઇયળ કે તેની ફૂદીંઓ જણાય તો કોઠારમાં એક ફેરોમોન ટ્રેપ ગોઠવી દેવુ અને તેમાં પકડાયેલ ફૂદીનો વ્યવસ્થિત નિકાલ કરવો. કપાસની સાંઠીઓને ખેતરના શેઢે કે અન્ય કોઈ જગ્યાએ સંગ્રહ કરવો નહી અથવા રાખી મૂકવી નહી, કપાસની સાંઠીઓને ખેતરમાંથી ઉપાડયા બાદ, ઉનાળે ઊંડી ખેડ કરવી જેથી સુષુપ્ત અવસ્થાઓનો સૂર્ય તાપમાં અથવા પક્ષી દ્વારા નાશ થાય, જીનીંગ ફેક્ટરીઓમાંથી નીકળતા વધારાનાં કચરાને બાળીને સમયાંતરે નાશ કરતો રહેવો તથા જીનીંગ ફેક્ટરીની આજુબાજુ ફેરોમોન ટ્રેપ લગાવવા, આગામી ખરીફ ઋતુમાં કપાસનું આગોતરું વાવેતર સદંતર રીતે નિવારવું, કૃષિ યુનિવર્સિટી, ખેતીવાડી ખાતુ, કૃષિ વિજ્ઞાન કેન્દ્ર વગેરે સાથે સંપર્કમાં રહી આ જીવાતના નિયત્રંણ માટે સામૂહિક પગલા લેવા. રેડીયો, દૂરદર્શન, દૈનિક પેપર, કૃષિ વિષયક સાહિત્ય વગેરેનો અભ્યાસ કરી તેને અનુસરવાથી પણ ગુલાબી ઇયળના નિયત્રંણ માટેની સચોટ માહિતી મેળવી શકાય છે, ગુલાબી ઇયળના નિયંત્રણ માટે ઈન્ડોકઝાકાર્બ ૧૫.૮ ઇ.સી. અથવા ૧૪.૫ એસ.સી. ૫ થી ૭ મી.લી. અથવા ક્લોરએન્ટ્રાનીલીપ્રોલ ૨૦ એસ.સી. ૩મી.લી. અથવા સ્પીનોસાડ ૪૫% એસ.પી. ૩ મી.લી. અથવા ફ્લુબેન્ડિયામાઈડ ૧૫ ગ્રામ દવામાંથી કોઇ પણ એક દવાનો ૧૦ લિટર પાણીમાં ભેળવીને છંટકાવ કરવો. આ પ્રકારના પગલાઓથી ગુલાબી ઇયળ પર નિયંત્રણ મેળવી શકાય છે. આ અંગે વધુ જાણકારી માટે સંબંધિત વિસ્તારના ગ્રામસેવક/વિસ્તરણ અધિકારી/તાલુકા અમલીકરણ અધિકારી/જિલ્લા ખેતીવાડી અધિકારી અથવા કિસાન કોલ સેન્ટર ટોલ ફ્રી નંબર -૧૮૦૦ ૧૮૦૧૫૫૧ નો સંપર્ક કરવા રાજકોટ જિલ્લા ખેતીવાડી અધિકારીશ્રી આર.આર.ટીલવા દ્વારા સર્વે ખેડૂત મિત્રોને અનુરોધ કરવામા આવે છે.
Trending
- ગરમીમાં ઠંડક આપતું આ સ્થળ જેના વિશે જાણીને પણ ઠંડક વળશે
- વિશ્વની સૌથી મોટી ચૂંટણીના સાક્ષી બનવા 23 દેશોના 75 પ્રતિનિધિઓ ભારત પહોંચ્યા
- સસ્તા ફોન બાદ હવે રિલાયન્સ લાવશે સસ્તું AC, ઈશા અંબાણી નવી પ્રોડક્ટ લોન્ચ કરવા તૈયાર
- ધો.10ના બેઝિક ગણિતના વિદ્યાર્થીઓ 11માં ફિઝિક્સ, કેમેસ્ટ્રીમાં પણ પ્રવેશ મેળવી શકશે
- આજે કતલની રાત…મતદારોને મનાવવા મથામણ
- ICSE, ISCના 10મા અને 12માના પરિણામો જાહેર, જાણો શું આવ્યું પરિણામ?
- જયશ્રી રામ: ભાજપ તરફી પ્રચંડ મતદાન કરી નરેન્દ્રભાઇના હાથ વધુ મજબૂત બનાવવા નરેન્દ્રબાપુની અપિલ
- રાજકોટવાસીઓ ‘અમરેલી’ને જીતાડવા કરશે મતદાન