હેલિકોપ્ટરમાં સાત મુસાફરો અને બે પાયલોટ સવાર હતા, તમામનો બચાવ
મુંબઈ નજીક અરબી સમુદ્રમાં બોમ્બે હાઈ પાસે આજે હેલિકોપ્ટરનું ઈમરજન્સી લેન્ડિંગ કરવામાં આવ્યું હતું. તેમાં સાત મુસાફરો અને બે પાયલોટ સવાર હતા. આ ઈમરજન્સી લેન્ડિંગ ઓએનજીસીની રિગ ’સાગર કિરણ’ પાસે કરવામાં આવ્યું હતું. હેલિકોપ્ટર પણ ઓએનજીસીનું છે.
કોસ્ટગાર્ડ અને કંપનીએ તાત્કાલિક રાહત અને બચાવ કામગીરી હાથ ધરીને નવ લોકોને બચાવી લીધા હતા. ઓઈલ એન્ડ નેચરલ ગેસ કોર્પોરેશન લિમિટેડએ ટ્વીટ કર્યું કે હેલિકોપ્ટર બોમ્બે હાઈ ખાતે તેના ઓઈલ માઈનિંગ વિસ્તારની નજીક ઈમરજન્સીમાં ઉતર્યું હતું. ભારતીય કોસ્ટ ગાર્ડના જણાવ્યા અનુસાર આ હેલિકોપ્ટર ઓએનજીસીનું છે.
તે સાગર કિરણ પાસેના ખાડામાં ઉતર્યું હતું. બચાવ અને રાહત કાર્ય માટે મુંબઈ કિનારેથી એક જહાજ રવાના કરવામાં આવ્યું હતું.
કોસ્ટ ગાર્ડના વિમાનોએ હેલિકોપ્ટરમાં સવાર લોકોને બચાવવા માટે લાઇફ રાફ્ટ્સ છોડ્યા હતા. આ એમઆરસીસી દ્વારા મંજૂર કરાયેલા આંતરરાષ્ટ્રીય સ્ટાન્ડર્ડ સુરક્ષા સાધનો છે. બચાવ પ્રયાસોમાં કોસ્ટ ગાર્ડે નેવી અને ઓએનજીસી સાથે સંકલન કર્યું હતું.
