મોરબી: સિરામિક ફેકટરીમાં શ્રમિકના સાઢુએ યુવતી સાથે દુષ્કર્મ કર્યું

પરપ્રાંતિય પરિવારની યુવતિને પ્રેમજાળમાંં ફસાવી હવસનો શિકાર બનાવી

મોરબી તાલુકામાં ફેકટરીમાં શ્રમિક પરિવારની યુવતી સાથે યુવતીના ભાઈના સાઢુ ભાઈએ જ દુષ્કર્મ આચાર્યની ફરિયાદ મધ્ય પ્રદેશમાં નોંધાઈ છે જોકે એમપી પોલીસે ફરિયાદ લખીને ઝીરો નંબરથી મોરબી તાલુકા પોલીસ મથકે ટ્રાન્સફર કરતા મોરબી તાલુકા પોલીસે ગુનો નોંધ્યો છે.

જેની વિગત મુજબ ભોગ બનનાર યુવતી તેના પરિવાર સાથે મોરબી તાલુકાનાં ગ્રામ્ય વિસ્તારમાં આવેલ સિરામિક ફેકટરીમાં કામ કરતા હતા ત્યાં સાથે જ ભોગ બનનારના ભાઈનો સાઢુભાઈ આરોપી પંકેશ નિનામા પણ કામ કરતો હતો તે દરમિયાન આરોપી એ યુવતી પર નજર બગાડી હતી અને એકલતાનો લાભ લઈને યુવતી સાથે બળજબરી પૂર્વક દુષ્કર્મ આચર્યું હતું જે બાદ આ સમગ્ર બનાવની વાત ભોગ બનનારે પોતાના પરિવારને કરતા પરિવાર પોતાના વતનમાં મધ્યપ્રદેશ ચાલ્યો ગયો હતો અને ત્યાં જઈને સ્થાનિક પોલીસ મથકે ફરિયાદ નોંધાવી હતી જેથી આ બનાવ મોરબી તાલુકા પોલીસ મથકનો હોવાથી એમ પી.પોલીસે ફરિયાદ ઝીરો નંબર ટાંકીને મોરબી તાલુકા પોલીસ મથકમાં ટ્રાન્સફર કરતા પોલીસે ગુનો નોંધીને વધુ તપાસ હાથ ધરી છે.