ગ્રાહકોને લગતા પડતર કેસો લોક અદાલત મારફત ઉકેલાશે!!

‘તારીખ પે તારીખ’ને ભૂતકાળ બનાવવા કવાયત

12 નવેમ્બરના રોજ યોજાશે લોક અદાલત: ડિસેમ્બર માસમાં મેગા લોક અદાલત થકી અનેક ગ્રાહક બાબતોના કેસોનો કરાશે નિકાલ

ગ્રાહક બાબતોના મંત્રાલયે 12 નવેમ્બરે રાષ્ટ્રીય લોક અદાલત અને ડિસેમ્બરમાં મહાગ્રાહક લોક અદાલતનું આયોજન કરવામાં આવશે તેવો નિર્ણય લેવામાં આવ્યો છે. આ લોક અદાલતોનું આયોજન ગ્રાહકોના પડતર કેસોના નિરાકરણ માટે ખાસ ઝુંબેશના ભાગરૂપે કરવામાં આવી રહ્યું છે. સરકારનો હેતુ રાજ્ય અને જિલ્લા ગ્રાહક અદાલતોમાં લોક અદાલતને સંસ્થાકીય બનાવવાનો છે અને ગ્રાહકના કેસોના ઝડપી નિકાલ માટે સપ્તાહમાં એક દિવસ ફાળવવાનો છે. લોક અદાલત એ વૈકલ્પિક વિવાદ નિવારણ પદ્ધતિ પૈકીની એક છે. તે એક ફોરમ છે જ્યાં વિવાદો અથવા કેસ પેન્ડિંગ છે

ગ્રાહક બાબતોના મંત્રાલયે 12 નવેમ્બરે રાષ્ટ્રીય લોક અદાલત અને ડિસેમ્બરમાં મહાગ્રાહક લોક અદાલતનું આયોજન કરવામાં આવનાર છે. આ લોક અદાલતોનું આયોજન ગ્રાહકોના પડતર કેસોના નિરાકરણ માટે ખાસ ઝુંબેશના ભાગરૂપે કરવામાં આવી રહ્યું છે.

લોક અદાલત એ વૈકલ્પિક વિવાદ નિવારણ પદ્ધતિ પૈકીની એક છે. તે એક ફોરમ છે જ્યાં પેન્ડિંગ વિવાદો અથવા બાબતોનું સમાધાન શાંતિપૂર્વક થાય છે.  કાનૂની સેવા સત્તાધિકારી અધિનિયમ, 1986 હેઠળ લોક અદાલતોને વૈધાનિક દરજ્જો આપવામાં આવ્યો છે.

ઉપભોક્તા બાબતોના મંત્રાલયના એક વરિષ્ઠ અધિકારીએ જણાવ્યું હતું કે, આ કવાયતની તૈયારીઓ પહેલાથી જ શરૂ કરી દેવામાં આવી છે અને તમામ ગ્રાહક કમિશનને એવા કેસોની ઓળખ કરવા માટે કહેવામાં આવ્યું છે કે જેના પર કાર્યવાહી કરી શકાય. પેન્ડીંગ કેસોની યાદી તૈયાર કરી શકાય છે જેને લોક અદાલતમાં મોકલી શકાય છે.

આ પહેલને અસરકારક બનાવવા માટે ટેક્નોલોજીની પણ મદદ લેવામાં આવી રહી છે. ઉપભોક્તા બાબતોના વિભાગની વેબસાઇટ પર એક અલગ લિંક બનાવવામાં આવી છે, જ્યાં વ્યક્તિ તેના પેન્ડિંગ કેસની નોંધણી કરી શકે છે.  આ રીતે મામલો સરળતાથી લોક અદાલતમાં મોકલી શકાય છે.

આ લિંક ઈ-મેલ અને એસએમએસ દ્વારા હિતધારકોને પણ મોકલવામાં આવી રહી છે અને અત્યાર સુધીમાં કુલ 2910 સંમતિઓ પ્રાપ્ત થઈ છે, તેવું એક અધિકારીએ જણાવ્યું હતું.