રોડ શોમાં અધધધ 13 વિધાનસભા બેઠકના વિસ્તારોને આવરી લેવાયા: બજરંગબલી બન્યાં આકર્ષણનું કેન્દ્ર
કર્ણાટકમાં ચૂંટણી પ્રચાર માટે વડાપ્રધાન નરેન્દ્ર મોદી આજે બેંગલુરુમાં મેગા રોડ શો યોજ્યો હતો. જે 26 કિલોમીટરનો હતો. આ દરમિયાન વડાપ્રધાન મોદી સુવર્ણ રંગની પાઘડીમાં જોવા મળે છે. આ રોડ શોમાં અંદાજે 10 લાખ લોકો જોડાયા હતા.
પીએમ મોદીના આ રોડ શોમાં બજરંગબલી પણ જોવા મળ્યા હતા. વાસ્તવમાં ભીડમાં એક વ્યક્તિ ભગવાન હનુમાનના વેશમાં જોવા મળ્યો હતો. રોડ શો દરમિયાન મોટી સંખ્યામાં લોકો એકઠા થયા હતા. તાજેતરમાં કોંગ્રેસ તરફથી બજરંગ દળ પર પ્રતિબંધ લગાવવાની વાત થઈ હતી. પાર્ટીએ કહ્યું હતું કે જો તે સત્તામાં આવશે તો બજરંગ દળ જેવા સંગઠનો પર પ્રતિબંધ મુકવામાં આવશે. આ પછી પીએમ મોદીએ જનસભામાં આ મુદ્દાને બજરંગબલી સાથે જોડીને કોંગ્રેસ પર વળતો પ્રહાર કર્યો હતો.
પીએમ મોદીનો બેંગ્લોરમાં 26 કિ.મી. લાંબો મેગા રોડ શો પૂરો થયો. આ દરમિયાન સમગ્ર શહેરના માર્ગોને કેસરી રંગથી શણગારવામાં આવ્યા હતા. રસ્તાની બંને બાજુ ભાજપના ઝંડા જોવા મળ્યા હતા. આ મેગા રોડ શો દ્વારા લોકોના ઘર સુધી પહોંચવાના તેમના અભિયાનમાં પીએમ મોદીનો કાફલો ઘણા સાંકડા રસ્તાઓ પરથી પસાર થયો હતો. પીએમ મોદીની ઝલક જોવા માટે લોકો ઉત્સાહપૂર્વક રસ્તાના કિનારે લાઇનમાં ઉભા હતા. મોદી-મોદીની સાથે લોકો બજરંગ બલીના નારા પણ લગાવી રહ્યા હતા.
કર્ણાટકમાં 10 મેના રોજ યોજાનારી વિધાનસભાની ચૂંટણી માટે પ્રચાર ચરમસીમાએ પહોંચી ગયો છે. આ ચૂંટણીમાં તમામ પક્ષોએ પોતાની પૂરી તાકાત લગાવી દીધી છે.
તેવામાં વડાપ્રધાન નરેન્દ્ર મોદીનો મેગા રોડ શો 13 વિધાનસભા મતવિસ્તારોમાંથી પસાર થયો હતો.
