પવિત્ર શ્રાવણ માસની સાદગીસભર ઉજવણીનો પ્રારંભ થઇ ચૂકયો છે ગઇકાલે પ્રથમ દિવસે જ પ્રથમ જયોતિંલીંગ સોમનાથ મહાદેવ મંદિર ખાતે શ્રાવણોત્સવની ભાવભેર ઉજવણીનો પ્રારંભ કરાયો હતો. ભોળાનાથને રીઝવવા સોમનાથ ખાતે પ્રાત:કાળે મહાપૂજન, આરતી, મહામૃત્યુજય જાપ તથા સવાલક્ષ બિલ્વ અને પુષ્પોથી સુશોભિત શૃંગાર કરવામાં આવ્યો હતો.શિવભકતોએ મહાદેવને કરાયેલા નયનરમ પુષ્પો અને બિલ્વપત્રના શણગારના દર્શનનો લાભ લીધો હતો.
