ચિંતા ન કરતા ફુગાવો કાબુમાં છે!
- ફુગાવાને હજુ થોડા સમય માટે નિયંત્રણમાં રાખવા રેપો રેટમાં 0.50%નો વધારો કરવાનો નિર્દેશ જાહેર કરતા શક્તિકાંત દાસ
ચિંતા ન કરતા ફુગાવો કાબુમાં છે. અર્થતંત્રની ગાડી ધીમી પણ મક્કમ ગતિએ ચાલી રહી છે. થોડો સમય અર્થતંત્રને અસર રહેશે. પણ સરકાર તમામ નિર્ણયો લાંબા ગાળાના ફાયદાને ધ્યાને લઇને કરી રહી છે. તેવો નિર્દેશ આરબીઆઇના ગવર્નરે આપ્યો છે.
આરબીઆઈના ગવર્નર શક્તિકાંત દાસે જણાવ્યું હતું કે ફુગાવાના કારણે આર્થિક ગતિવિધિઓ પણ તેજી કરી રહી છે. પણ આરબીઆઇ આ માટે જરૂરી નિર્ણયો લઈને સ્થિતિ સામાન્ય કરવાનો સતત પ્રયત્ન કરશે. વધુમાં. તેઓએ જણાવ્યું કે 2021-22માં દેશના વિદેશી મુદ્રા ભંડારમાં 30.3 બિલિયન ડોલરનો વધારો થયો છે. 2020-21 દરમિયાન તેમાં 99.2 બિલિયન ડોલરનો વધારો નોંધાયો હતો. આરબીઆઈએ બુધવારે કહ્યું કે આ સમયગાળા દરમિયાન વિદેશી મુદ્રા ભંડારમાં 47.5 બિલિયન ડોલરનો વધારો થયો છે. બીજી તરફ, ચાલુ ખાતાની ખાધ 2021-22માં જીડીપીના 1.2% હતી. 2020-21માં 0.9 ટકાની સરપ્લસ સ્થિતિ હતી.
ગવર્નરે કહ્યું કે ફુગાવાને અસરકારક રીતે કાબૂમાં લેવા માટે પોલિસી રેટમાં વધુ એક વધારાનો સમય યોગ્ય છે. એટલા માટે હું ફરી એકવાર રેપો રેટમાં 0.50 ટકાના વધારાને મત આપીશ. તેનાથી ઊંચા ફુગાવાને કાબૂમાં રાખવામાં મદદ મળશે. આ સાથે, તે પ્રતિકૂળ પુરવઠા સંબંધિત સમસ્યાઓની અસરોને ઘટાડવામાં પણ મદદ કરશે.
આવકવેરા વિભાગે વર્ચ્યુઅલ ડિજિટલ એસેટ્સ પર કાપવામાં આવેલા ટીડીએસ સંબંધિત વિગતવાર માર્ગદર્શિકા બહાર પાડી છે. આ હેઠળ, ક્રિપ્ટોકરન્સી ટ્રાન્સફરની તારીખ અને ચુકવણીનો મોડ જણાવવો જરૂરી રહેશે. ફાયનાન્સ એક્ટ-2022 એ આવકવેરા કાયદામાં કલમ 194એસ ઉમેરવામાં આવી છે. આ હેઠળ, એક વર્ષમાં 10,000 રૂપિયાથી વધુની વિડીએ અથવા ક્રિપ્ટોની ચુકવણી પર 1 જુલાઈથી એક ટકા ટીડીએસ કાપવામાં આવશે.
નવી જોગવાઈનો અમલ કરવા માટે, સેન્ટ્રલ બોર્ડ ઓફ ડાયરેક્ટ ટેક્સે 21 જૂને ફોર્મ 26કયુએ અને ફોર્મ 16ઇ માં ટીડીએસ રિટર્ન ફાઇલ કરવાના સંદર્ભમાં આવકવેરા નિયમોમાં કેટલાક સુધારા કર્યા હતા. નોટિફિકેશનમાં જણાવાયું છે કે કલમ 194એસ હેઠળ જમા કરાવેલ ટીડીએસ તે મહિનાના અંતથી 30 દિવસની અંદર જમા કરાવવાનો રહેશે. આ રીતે કાપવામાં આવેલ ટેક્સ ચલણ સાથે ફોર્મ 26ક્યુએ માં જમા કરવામાં આવશે.
નિકાસને લઈ ઉદ્યોગોને લાંબાગાળાના “ગોલ” રાખવા વડાપ્રધાનની અપીલ
વડા પ્રધાન નરેન્દ્ર મોદીએ ગુરુવારે નિકાસકારો અને ઉદ્યોગોને પોતાના માટે લાંબા ગાળાના નિકાસ લક્ષ્યાંક નક્કી કરવા જણાવ્યું હતું. તેમણે નિકાસકારોને સરકારને જરૂરી સૂચનો આપવા પણ કહ્યું જેથી કરીને આ લક્ષ્યાંકો હાંસલ કરી શકાય. તેમણે વાણિજ્ય અને ઉદ્યોગ મંત્રાલયના નવા કેમ્પસ – ’વૈન્ય ભવન’ના ઉદ્ઘાટન પ્રસંગે આ વાત કહી. મોદીએ કહ્યું કે સરકારે બિઝનેસ કરવાની સરળતા માટે 32,000 થી વધુ બિનજરૂરી અનુપાલનોને દૂર કર્યા છે. તેમણે જણાવ્યું હતું કે વૈશ્વિક વિક્ષેપો છતાં, ભારતની કુલ નિકાસ છેલ્લા નાણાકીય વર્ષમાં 670 બિલિયન ડોલર સુધી પહોંચી છે અને આ આંકડો નોંધપાત્ર છે કારણ કે વિકાસશીલ દેશને વિકસિત રાષ્ટ્ર બનાવવામાં નિકાસ મહત્વપૂર્ણ ભૂમિકા ભજવે છે. મોદીએ કહ્યું કે વેપાર, વાણિજ્ય અને એમએસએમઇ ક્ષેત્ર સાથે જોડાયેલા લોકોને નવા વ્યામભવનથી ઘણો ફાયદો થશે.
આ સાથે વડાપ્રધાને એક નવું પોર્ટલ પણ લોન્ચ કર્યું. તેમણે કહ્યું કે નિકાસ પોર્ટલ કોઈપણ વિલંબ વિના તમામ હિતધારકોને મહત્વપૂર્ણ ડેટા પ્રદાન કરશે. પોર્ટલનું નામ નિકાસ.છે. આ પોર્ટલ દ્વારા, હિતધારકો ભારતના વિદેશ વેપાર સાથે સંબંધિત તમામ જરૂરી માહિતી એક જ જગ્યાએ મેળવી શકશે.
ઈન્ડિયા ગેટ પાસેના નવા કેમ્પસને ઊર્જાની બચત પર વિશેષ ફોકસ સાથે સ્માર્ટ બિલ્ડિંગ તરીકે ડિઝાઇન કરવામાં આવ્યું છે. આ ઇમારતનો ઉપયોગ મંત્રાલયના બે વિભાગો દ્વારા કરવામાં આવશે – વાણિજ્ય વિભાગ અને ઉદ્યોગ અને આંતરિક વેપારને પ્રોત્સાહન આપવા માટેનો વિભાગ.