ઉમરગામ : કલગામ ખાતે આવેલું રાધાકૃષ્ણ  મંદિર એટલે લોકોની આસ્થાનું કેન્દ્ર

 રાધાકૃષ્ણ  મંદિર  લોકોની આસ્થાનું કેન્દ્ર  

વલસાડ જિલ્લાનો ઉમરગામ તાલુકો અરબી સમુદ્ર કિનારે આવેલો રળિયામણા વિસ્તાર તરીકે જાણીતો છે . અહી ધાર્મિક સ્થળો અને મંદિરોની બોલબાલા છે .

કલગામ ખાતે આવેલું રાધાકૃષ્ણનું મંદિર પરિવારને પ્રેમ અને આસ્થાથી જોડી રાખે છે . મંદિરમાં પ્રવેશતાની સાથે રાધાકૃષ્ણનું તેજ વ્રુંદાવન સમા વાતાવરણની  અનુભૂતિ કરાવે છે . રાયનીવાળા હનુમાનજીની  ગાથા જગવિખ્યાત છે , તો રાધાકૃષ્ણનું મંદિર ભક્તોને ખેચી લાવે છે .

હોળીમાં જાણે રાધાકૃષ્ણ ખુદ અવતરતા હોય તેમ લોકો એકબીજા સાથે ભળી  જાય છે . બારી સમાજ નાં લોકો દ્વારા બનાવાયેલા આ મંદિર નાં દર્શન કરી લોકો પરમ સુખનો અહેસાસ કરે છે .

રામ સોનગઢવાલા