કેપ્ચર ઇવેન્ટ પ્રેઝન્ટ ઈન્ડિયા ડાન્સ વોર-૨૦૧૮

દેશના ૨૪ શહેરોમાં ઓડિશનનો પોરબંદરથી પ્રારંભ

૨૨મીએ રાજકોટમાં મેગા ફાઈનલ

ડાન્સરોને કળા ઝળકાવવાની અમુલ્ય તક

કેપ્ચર ઇવેન્ટ દ્વારા પ્રેઝન્ટ ઈન્ડિયા ડાન્સ વોર-૨૦૧૮ માટેના ઓડિશનનો આજી પોરબંદર ખાતેથી પ્રારંભ થઈ રહ્યો છે. ડાન્સ કોમ્પીટીશનનો ફાઈનલ ૨૨ સપ્ટેમ્બરના રોજ રાજકોટ ખાતે યોજાશે.

ઈન્ડિયા ડાન્સ વોર ૨૦૧૮ માટે દેશના વિવિધ ૨૪ શહેરોમાં ઓડિશનનો પ્રારંભ થઈ ચૂકયો છે. ગુજરાતના રાજકોટ, પોરબંદર, જૂનાગઢ, અમદાવાદ, જામનગર, વેરાવળ સહિતના શહેરોમાં ઓડિશન થશે. આ કોમ્પીટીશન સોલો, ડયુએટ અને ગ્રુપ એમ ત્રણ કેટેગરીમાં થશે.

આજે તા.૧૭ના રોજ પોરબંદર ખાતે જયારે આવતી કાલે ૧૮ના રોજ જૂનાગઢ તેમજ જેતપુર ખાતે અને તા.૧૯ના રોજ અમરેલી અને સુરેન્દ્રનગર ખાતે ઓડિશન લેવાશે.ઓડિશનમાં જજ તરીકે ડી.કે.ડી. શિવા તેમજ સેમી ફાઈનલ જજ તરીકે સુરજ જાધવ અને ફાઈનલના જજ તરીકે બિર રાધા શેરપા હાજરી આપશે. ફાઈનલમાં ૭૦ થી વધુ સ્પર્ધકો વચ્ચે જંગ થશે. આ પ્રકારનો શો ગુજરાતમાં સૌપ્રમ વખત યોજાઈ રહ્યો છે. શો માટે તૈયારીઓને આખરી ઓપ પ્રદિપ ભાંભલાની અને વિજય સિંધવ આપી રહ્યાં છે. આ સાથે ડાન્સ ક્ષેત્રે સૌરાષ્ટ્રને રાષ્ટ્રીય ઝલક પર લાવનાર જહોન રે પણ આયોજન માટે કાર્યશીલ છે.