નેતાઓનો મોભો વધારવા સોશિયલ મીડિયા જ કાફી છે. દેશના યુવાનો વિવિધ પ્લેટફોર્મ સાથે જોડાયેલા હોય, તેનો સફળ સંપર્ક કરવા આ માધ્યમ શ્રેષ્ઠ છે. જે વાત બરાબર રીતે જાણતી ભારતીય જનતા પાર્ટી દ્વારા મંગળવારે સોશિયલ મીડિયા પર એક નવું અભિયાન શરૂ કરવામાં આવ્યું છે. તેનું નામ ’દેશની બદલતી સોચ’ રાખવામાં આવ્યું છે. આ અંતર્ગત વડાપ્રધાન નરેન્દ્ર મોદીના સ્વતંત્રતા દિવસ પર આપેલા ભાષણની તુલના કોંગ્રેસના પૂર્વ વડાપ્રધાનોના ભાષણો સાથે કરવામાં આવી છે.
ભાજપે તેના ટ્વિટર હેન્ડલ પર વડાપ્રધાન નરેન્દ્ર મોદી અને તેમના પુરોગામી મનમોહન સિંહ, રાજીવ ગાંધી, ઈન્દિરા ગાંધી અને જવાહરલાલ નેહરુ દ્વારા આપવામાં આવેલા ભાષણોની તુલના કરી છે. ભાષણોના ભાગોને ટાંકીને ભાજપે તેના અગ્રણી નેતાની છબીને સકારાત્મક રીતે રજૂ કરી છે. આ અંતર્ગત ઘણા ગ્રાફિક્સ શેર કરવામાં આવ્યા છે.
આવા જ એક ટ્વિટમાં પાર્ટીએ આરોપ લગાવ્યો છે કે નેહરુએ તેમના 1963ના ભાષણમાં શહીદ સૈનિકોને કોઈ શ્રદ્ધાંજલિ આપી નથી, જે 1962ના ચીન સાથેના યુદ્ધ પછીનો પ્રસંગ હતો. અહેવાલ છે કે પીએમ મોદીએ તેમના 2020ના સંબોધનમાં લદ્દાખમાં ચીની સેના સાથેના સંઘર્ષમાં સર્વોચ્ચ બલિદાન આપનારા લોકોને યાદ કર્યા હતા.
ભાજપે વર્ષ 2008 અને 2009માં પૂર્વ વડાપ્રધાન મનમોહન સિંહના ભાષણોને પણ ટાંક્યા છે. ભાજપે તેમના પર પસંદગીના લોકોને યાદ કરવાનો, પરિવારને ખુશ કરવાનો આરોપ લગાવ્યો છે. સાથે જ પીએમ મોદીના 2014ના ભાષણના અંશો પણ રજૂ કરવામાં આવ્યા છે, જેમાં તેમણે કહ્યું હતું કે તમામ પૂર્વ વડાપ્રધાનોના યોગદાનને કારણે દેશ આજે જ્યાં છે ત્યાં પહોંચ્યો છે.
એક ગ્રાફિક જણાવે છે કે 1975માં કટોકટી લાદવામાં આવ્યા પછી, ભૂતપૂર્વ વડા પ્રધાન ઈન્દિરા ગાંધીએ તેને રાષ્ટ્રીય જીવનના વિવિધ પાસાઓને ’શુદ્ધ’ કરવા માટે ’કડવી ગોળીઓ’ તરીકે યોગ્ય ઠેરવી હતી. જ્યારે શાસક પક્ષે દાવો કર્યો હતો કે મોદીએ તેમના 2017ના ભાષણમાં લોકશાહીને ભારતની ’સૌથી મોટી તાકાત’ ગણાવી હતી.
ભાજપ ભૂતકાળમાં તેના સોશિયલ મીડિયા પ્રચારમાં મુખ્ય વિપક્ષી પાર્ટીની અગ્રણી હસ્તીઓને નિશાન બનાવી રહી છે. કોંગ્રેસ અધ્યક્ષ સોનિયા ગાંધીએ સોમવારે આક્ષેપ કર્યો હતો કે “આત્મહીન” સરકાર સ્વાતંત્ર્ય સેનાનીઓના બલિદાનને “તુચ્છ” બનાવવા માટે વળેલી છે અને પાર્ટી રાજકીય લાભ માટે આવા પ્રયાસોનો સખત વિરોધ કરશે.
ભાજપે તેના પ્રચારના ભાગરૂપે ગાંધી પરના હુમલાને લગતો એક વીડિયો પણ જાહેર કર્યો છે. જેમાં 1947માં ગાંધી પર થયેલા હુમલા અને ભારતના ભાગલાની ઘટનાઓને પોતપોતાની રીતે રજૂ કરવામાં આવી છે. જેમાં તે સમયની કોંગ્રેસની ટોચની નેતાગીરીને આ ઘટનાઓ માટે જવાબદાર ઠેરવવામાં આવી છે. વીડિયોમાં જવાહરલાલ નેહરુ અને મોહમ્મદ અલી ઝીણાના ફોટા પણ બતાવવામાં આવ્યા છે.
