સંરક્ષણ, વેપાર-રોકાણ, વિજ્ઞાન અને ટેકનોલોજી, સ્વાસ્થ્યના મુદ્દાઓ પર પણ થશે ચર્ચા
જાપાનના વડાપ્રધાન ફ્યુમિયો કિશિદા ભારતની 2 દિવસની મુલાકાતે નવી દિલ્હી પહોંચ્યા છે. આ દરમિયાન તેઓ વડાપ્રધાન નરેન્દ્ર મોદી સાથે મુલાકાત કરી હતી. બંને નેતાઓ વચ્ચે ઈન્ડો-પેસિફિક ક્ષેત્ર અને ચીનની વધતી સૈન્ય ગતિવિધિઓ પર ચર્ચા પણ કરવાના હોવાનું જાણવા મળ્યું છે.
આ દરમિયાન મે મહિનામાં હિરોશિમામાં યોજાનારી જી7 સમિટ અને સપ્ટેમ્બરમાં દિલ્હીમાં યોજાનારી જી20 સમિટમાં રશિયા-યુક્રેન યુદ્ધ પર પણ ચર્ચા કરવામાં આવશે. આ સિવાય સંરક્ષણ, વેપાર-રોકાણ, વિજ્ઞાન અને ટેકનોલોજી, સ્વાસ્થ્યના મુદ્દાઓ પર પણ ચર્ચા થશે.
આ વર્ષે જાપાન જી7ની અધ્યક્ષતા કરી રહ્યું છે અને ભારત જી20ની અધ્યક્ષતા કરી રહ્યું છે. જાપાનના વડા પ્રધાનની મુલાકાત બંને દેશોને જી20 અને જી7 વચ્ચે સહકાર લાવવાની તક પૂરી પાડશે. બંને નેતાઓ જી20 અને જી7 દેશો ખાદ્ય અને આરોગ્ય સુરક્ષા, ઉર્જા સંક્રમણ અને આર્થિક સુરક્ષા પર કેવી રીતે સાથે મળીને કામ કરી શકે તે અંગે ચર્ચા કરશે તેવી અપેક્ષા છે.
માર્ચ 2022 માં, જાપાનના વડા પ્રધાન કિશિદા બંને દેશો વચ્ચે વાર્ષિક સમિટમાં ભાગ લેવા માટે ભારત આવ્યા હતા. તે દરમિયાન કિશિદાએ ભારતમાં આગામી પાંચ વર્ષ માટે 3,20,000 કરોડ રૂપિયાનું રોકાણ કરવાની વાત કરી હતી.
મે 2022 માં, પીએમ મોદી લકવાડ બેઠકમાં ભાગ લેવા માટે જાપાનની રાજધાની ટોક્યો પહોંચ્યા. તે દરમિયાન વડાપ્રધાન મોદીએ કહ્યું હતું – ભારત અને જાપાન કુદરતી ભાગીદાર છે. અમે ઇન્ટરનેશનલ સોલર એલાયન્સ માટે સાથે છીએ.
સપ્ટેમ્બર 2022 માં, વડા પ્રધાન જાપાનના ભૂતપૂર્વ વડા પ્રધાન શિન્ઝો આબેના અંતિમ સંસ્કાર માટે ટોક્યો ગયા હતા. વડાપ્રધાન નરેન્દ્ર મોદીએ આબેના નિધન પર ઊંડું દુ:ખ વ્યક્ત કર્યું હતું. મોદીએ ટ્વિટમાં કહ્યું હતું કે- ભારત-જાપાન સંબંધો અને વૈશ્વિક ભાગીદારીમાં આબેએ મહત્વપૂર્ણ ભૂમિકા ભજવી હતી.
