જીમ જતા પહેલાં જો તમે કાંઇ પણ ખાઇને ઘરની બહાર નિકળો છો તો તે તમારા માટે પડી શકે છે ભારે. તેથી જ તમારે આ બાબતે ખાસ ધ્યાન રાખવું જોઇએ કે કસરત કરતા પહેલાં કઇ કઇ વસ્તુઓ ખાવી જોઇએ અને કઇ વસ્તુઓ ન ખાવી જોઇએ.
બ્રોકોલી અને કોબીજ જેવા શાકમાં ભરપૂર માત્રામાં પ્રોટીન અને એન્ટી કેંસર ગુણો હોય છે. પરંતુ તેમાં સલ્ફર પણ વધારે માત્રામાં હોય છે. તેથી જ કેટલાક લોકો ગેસની સમસ્યા હોવાની વાત કરતા હોય છે. તેથી જ જીમ જતા પહેલાં જો તમે આ વસ્તુઓ ખાશો તો પાંચન સંબંધી સમસ્યાઓનો સામનો કરવો પડી શકે છે.
કસરત પહેલાં દૂધ કે દૂધથી બનેલી કોઇ પણ વસ્તુઓ ખાવી ન જોઇએ. તેનાથી આંતરડાની સમસ્યા સર્જાઇ શકે છે. તેમાં લેક્ટોસ હોય છે તેથી આ વસ્તુઓ ન ખાવી જોઇએ.
જીમ જતા પહેલાં ભૂલથી પણ તળેલું કે મસાલેદાર ન ખાવું જોઇએ. આમ કરવાથી તમને પેટમાં દુખાવો કે ડાયેરાની મુશ્કેલી થઇ શકે છે. તેની સૌથી વધારે અસર તમારા પાચનતંત્ર પર પડે છે.
સોડા કે તેના જેવું કોઇ પણ પીણું ન લેવું જોઇએ. સોડા શરીરમાં ગેસ બનાવે છે અને કસરત કરવામાં મુશ્કેલી પડે છે.
જીમ જતા પહેલાં ઘરેથી ગળી વસ્તુ ખાઇને ન જવી. તેમાં ખૂબ જ ફેટ હોય છે. ક્રિમ તથા બટર તમને નુકશાન કરી શકે છે.
