આજથી પવિત્ર રમઝાન માસનો પ્રારંભ થયો છે. મુસ્લિમ સમુદાય રમઝાન માસને સૌથી પવિત્ર માને છે. ફારસી ભાષામાં ઉપવાસને રોઝા કહે છે. આ પવિત્ર માસની શરૂઆત ચંદ્રના દર્શનથી થાય છે. રમઝાન મહિનો ક્યારેક 29 દિવસનો હોય છે તો ક્યારેક 30 દિવસનો હોય છે. રમઝાન શરૂ થતાં જ મુસ્લિમ લોકો ઉપવાસ શરૂ કરી દે છે.
આ પવિત્ર માસ 24મી માર્ચ એટલે કે આજથી શરૂ થયો છે. આજે પહેલું રોઝુ છે. રમઝાનમાં રોજા રાખવા દરેક મુસ્લિમ માટે ફરજિયાત માનવામાં આવે છે. ઉપવાસની શરૂઆત સવારે સેહરીથી થાય છે અને પછી સાંજે ઈફ્તાર સાથે ઉપવાસ તોડવામાં આવે છે. એવું માનવામાં આવે છે કે ચંદ્ર દેખાયા પછી બીજા દિવસે રમઝાન શરૂ થાય છે. એવું માનવામાં આવે છે કે જો આજે મક્કામાં ચંદ્ર દેખાય છે, તો તે આવતીકાલથી શરૂ થઈ શકે છે.
સહેરી શું છે ??
રોઝું રાખવા માટે વહેલી સવારે સહેરી લેવામાં આવે છે. ઇસ્લામિક માન્યતાઓ અનુસાર, રમઝાન મહિનામાં સૂર્યોદય પહેલા ભોજન લેવામાં આવે છે. આ સહેરી તરીકે ઓળખાય છે. સેહરીનો સમય અગાઉથી નક્કી કરવામાં આવે છે.
ઇફતારી એટલે શું ??
આખો દિવસ ખાધા-પીધા વગર રોઝું કર્યા પછી સાંજે ખજૂર ખાવાથી ઉપવાસ તૂટી જાય છે. તે સાંજે ખોલવામાં આવે છે જ્યારે સૂર્યાસ્ત થાય છે તેને ઈફ્તારી તરીકે ઓળખાય છે. આ પછી, વ્યક્તિ સવારે સેહરી પહેલા કંઈપણ ખાઈ-પી શકે છે.
ઇસ્લામમાં માનતા લોકો માટે, રમઝાન આખા વર્ષનો સૌથી પવિત્ર મહિનો છે. ‘જ્યારે રમઝાનનો મહિનો શરૂ થાય છે ત્યારે જન્નતના દરવાજા બંધ થઈ જાય છે અને જન્નતના દરવાજા ખોલવામાં આવે છે.’ સ્પષ્ટ અને સરળ શબ્દોમાં કહીએ તો આ આખો મહિનો સત્કર્મ કરવાનો મહિનો છે. આ આખા મહિનામાં ઈસ્લામમાં માનતા મુસ્લિમ સમાજના લોકો ઉપવાસની સાથે સાથે પૂરી શ્રદ્ધા સાથે કુરાનનું પઠન કરે છે.
