અયોધ્યા દર્શન માટેની ખાસ ‘આસ્થા’ ટ્રેન રાજકોટ જંકશનથી શરૂ થશે

નેશનલ ન્યૂઝ

રાજકોટ થી સમગ્ર સૌરાષ્ટ્રના રામભક્ત ભાઈઓ અને બહેનો અયોધ્યા દર્શન કરાવા માટે પહેલી ટુકડી “આસ્થા” ટ્રેન દ્વારા આગામી તા. ૧૧-૦૨-૨૦૨૪ રવિવારનાં રોજ વિશેષ આયોજન મુજબ પ્રસ્થાન કરશે. સમગ્ર સૌરાષ્ટ્માંથી સંઘ અને વિશ્વ હિન્દુ પરિષદ નાં કાર્યકર્તા ભાઇ- બહેનો અયોઘ્યા દર્શન કરી શકે તે માટે અયોધ્યા તીર્થક્ષેત્ર દ્વારા IRCTC નાં માધ્યમથી અયોઘ્યા દર્શન કરવા માટે આ ટ્રેન રાજકોટ જંકશન થી સવારે ૫.૪૫ વાગે રવાના થશે અને તા. ૧૪-૦૨-૨૦૨૪ નાં રોજ રાત્રે ૧૦.૩૦ વાગ્યે પરત આવશે. આ માટે એક યાત્રિક દિઠ સંપૂર્ણ યાત્રા દરમ્યાન ખર્ચ પેટે માત્ર રૂ. ૧૮૦૦ રહેશે. જેમાં રહેવા-જમવા સહિત સુવિધાઓનો સમાવેશ કરવામાં આવ્યો છે.

રાજકોટ રેલવે જંકશન પર આવતીકાલે સવારે ૫.૦૦ વાગે આ યાત્રીઓનું સંગીત મય ભક્તિસભર વાતાવરણમાં કુમકુમ તિલકથી અભિવાદન કરવામાં આવશે તથા યાત્રિકોની ટ્રેન શાસ્ત્રોક્ત વિધિથી પુજન પછી અયોધ્યા માટે પ્રસ્થાન કરશે આ સમગ્ર કાર્યક્રમ માટે સ્થાનિક રેલવે તંત્રનો સહયોગ પણ પ્રાપ્ત થઈ રહ્યો છે રાજકોટ થી જનાર આ ટુકડીને વિદાય આપવા ધર્મ પ્રેમી જનતામાં ભારે ઉત્સાહની લાગણી છે . રાજકોટના આંગણે આવેલા આ દિવ્ય અવસરને સમાચાર પત્રમાં યોગ્ય સ્થાન મળે તે માટે આપના પ્રતિનિધિ ને આવતીકાલે સવારે પાંચ વાગે રાજકોટ જંક્શન રેલ્વે સ્ટેશન પર પધારવા નિમંત્રણ પાઠવીએ છીએ .