એક તરફ સરકાર દ્વારા બેંક સહિતની તમામ જગ્યાઓ પર આધારકાર્ડ ફરજીયાત કરવામાં આવ્યું છે. બીજીતરફ અતિ મહત્વના ગણાતા આ દસ્તાવેજની જાણે કોઈ કિંમત જ ન હોય તેમ અવારનવાર ડુપ્લીકેટ આધારકાર્ડ મળવાના કિસ્સાઓ સામે આવી રહ્યા છે. ત્યારે મોરબીના વાંકાનેરમાંથી એક કચરાના ઢગલામાંથી કેટલાક આધારકાર્ડ મળી આવ્યા હતા, ઘટના અંગે જાણ થતા જ મામલતદાર સહિતનો સ્ટાફ દોડી આવ્યો હતો અને તપાસ હાથ ધરી હતી.
