સરકાર નવી લોજિસ્ટીક નીતિ લાવી ઉદ્યોગો અને ધંધાઓને આપશે રાહત

  • 17મીએ પોતાના જન્મદિવસે વડાપ્રધાન કરશે મોટી જાહેરાત
  • લોજીસ્ટીક ખર્ચ ઘટશે એટલે પ્રોડક્ટની કોસ્ટ નીચી આવશે, જેના કારણે ભારતની પ્રોડક્ટ વૈશ્ર્વિક હરીફાઈમાં મજબૂતાઈ મેળવી શકશે

સરકાર નવી લોજીસ્ટીક નીતિ લાવી ઉદ્યોગો અને ધંધાઓને રાહત આપવાની છે. જેમાં લોજીસ્ટીક ખર્ચ ઘટશે એટલે પ્રોડક્ટની કોસ્ટ નીચી આવશે, જેના કારણે ભારતની પ્રોડક્ટ વૈશ્વિક હરીફાઈમાં મજબૂતાઈ મેળવી શકશે. વડાપ્રધાન નરેન્દ્ર મોદી 17 સપ્ટેમ્બરે તેમના જન્મદિવસ પર, દેશભરમાં ઉત્પાદનોને પ્રોત્સાહન આપવા માટે રાષ્ટ્રીય લોજિસ્ટિક્સ નીતિ બહાર પાડશે.  ઉદ્યોગ અને વાણિજ્ય મંત્રી પીયૂષ ગોયલે બોર્ડ ઓફ ટ્રેડની બેઠકની અધ્યક્ષતામાં આ માહિતી આપી હતી.

સરકારે વર્ષ 2020 ના બજેટમાં પણ જાહેરાત કરી હતી કે તે નવી નેશનલ લોજિસ્ટિક્સ પોલિસી જાહેર કરવા સરકાર વિચારણા કરી રહી છે. તેમણે કહ્યું કે, વડાપ્રધાન શનિવારે દેશની લોજિસ્ટિક્સ પોલિસી રજૂ કરવાના છે.  પોલિસી પ્રોસેસ એન્જિનિયરિંગ, ડિજિટાઇઝેશન અને મલ્ટી મોડલ ટ્રાન્સપોર્ટ જેવા વિવિધ ક્ષેત્રો પર ધ્યાન કેન્દ્રિત કરે તેવી શક્યતા છે.  આ પગલું મહત્ત્વપૂર્ણ છે કારણ કે ઉચ્ચ લોજિસ્ટિક્સ ખર્ચ સ્થાનિક ઉત્પાદનો પર પ્રતિકૂળ અસર કરે છે જે તેમને આંતરરાષ્ટ્રીય બજારમાં સ્પર્ધાત્મક બનાવે છે.

જીડીપીમાં લોજિસ્ટિક્સ ખર્ચને 13થી 14%ના રેશિયોથી નીચે રાખવાનો પ્રયાસ

સરકારે વર્ષ 2020 ના બજેટમાં જાહેરાત કરી હતી કે તે નેશનલ લોજિસ્ટિક્સ પોલિસી આવશે.  સરકાર દેશના ગ્રોસ ડોમેસ્ટિક પ્રોડક્ટ (જીડીપી)માં લોજિસ્ટિક્સ ખર્ચને વર્તમાન 13-14%ના રેશિયોથી નીચે રાખવાનો આગ્રહ કરી રહી છે.  વાણિજ્ય મંત્રાલયના જણાવ્યા મુજબ, લોજિસ્ટિક્સ ક્ષેત્ર ઘણું જટિલ છે, જેમાં 20 થી વધુ સરકારી એજન્સીઓ, 40 સહભાગી સરકારી એજન્સીઓ અને 37 નિકાસ પ્રમોશન કાઉન્સિલ સામેલ છે.  તેની પાસે 200 શિપિંગ એજન્સીઓ, 36 લોજિસ્ટિક્સ સેવાઓ, 129 ઇનલેન્ડ ક્ધટેનર ડેપો અને બેંકો અને વીમા કંપનીઓ પણ છે.

ભારતમાં લોજિસ્ટીક બિઝનેસનું કદ 12.80 લાખ કરોડનું

દેશભરમાં 10 હજારથી વધુ ઉત્પાદનોના લોજિસ્ટિક્સ બિઝનેસનું કદ 160 બિલિયન ડોલર એટલે કે 12.80 લાખ કરોડનો છે.  આ ક્ષેત્રમાં 2.2 કરોડથી વધુ લોકોને રોજગાર મળ્યો છે. મંત્રાલયે કહ્યું છે કે આ ક્ષેત્રની સ્થિતિમાં સુધારા સાથે પરોક્ષ લોજિસ્ટિક્સ ખર્ચમાં 10%નો ઘટાડો થશે, જેનાથી નિકાસમાં 5 થી 8%નો વધારો થશે.