‘નારીશક્તિ વંદન બિલ’થી મહિલાઓના નેતૃત્વમાં વિકાસને ગતિ મળશે
નેશનલ ન્યૂઝ
વડાપ્રધાન નરેન્દ્ર મોદીએ લોકસભામાં ‘નારીશક્તિ વંદન બિલ’ પાસ થવા પર ખુશી વ્યક્ત કરી છે. તેમણે કહ્યું કે આ બિલ પસાર થવાથી મહિલાઓના નેતૃત્વમાં વિકાસને અભૂતપૂર્વ વેગ મળશે.
PM મોદીએ સોશિયલ મીડિયા પ્લેટફોર્મ પર લખ્યું આનાથી મહિલાઓના નેતૃત્વમાં વિકાસને અભૂતપૂર્વ વેગ મળશે. જે રીતે તેને તમામ રાજકીય પક્ષો તરફથી ઐતિહાસિક સમર્થન મળ્યું છે, તે વિકસિત અને આત્મનિર્ભર ભારતના સંકલ્પની પરિપૂર્ણતામાં એક સીમાચિહ્નરૂપ સાબિત થશે. હું તમામ સાંસદોનો હૃદયપૂર્વક આભાર વ્યક્ત કરું છું.
नारी शक्ति वंदन अधिनियम के साथ नए सदन की शानदार शुरुआत हुई है। इससे महिलाओं के नेतृत्व में विकास को अभूतपूर्व गति मिलने वाली है। इसे जिस प्रकार से सभी राजनीतिक दलों का ऐतिहासिक समर्थन मिला है, वह विकसित और आत्मनिर्भर भारत के संकल्प की सिद्धि में मील का पत्थर साबित होगा। मैं सभी…
— Narendra Modi (@narendramodi) September 20, 2023
લોકસભામાં લગભગ આઠ કલાક સુધી ચર્ચા ચાલી
આજે લોકસભાએ ‘નારીશક્તિ વંદન બિલ’ને મંજૂરી આપી દીધી છે. આ બિલમાં સંસદના નીચલા ગૃહ અને રાજ્યની વિધાનસભાઓમાં મહિલાઓ માટે 33 ટકા બેઠકો અનામત રાખવાની જોગવાઈ છે. આને લગતા ‘બંધારણ (એકસો અને અઠ્ઠાવીસમો સુધારો) બિલ, 2023’ પર લોકસભામાં લગભગ આઠ કલાક ચર્ચા થઈ. કાયદા અને ન્યાય પ્રધાન અર્જુનરામ મેઘવાલના જવાબ પછી, મતોના વિભાજન દ્વારા તેને મંજૂરી આપવામાં આવી હતી. બિલની તરફેણમાં 454 અને તેની વિરુદ્ધમાં 2 વોટ પડ્યા હતા. બિલ પસાર થયું ત્યારે વડાપ્રધાન નરેન્દ્ર મોદી ગૃહમાં હાજર હતા.
સોનિયા ગાંધીએ ચર્ચા શરૂ કરી
કોંગ્રેસના પૂર્વ અધ્યક્ષ સોનિયા ગાંધીએ બિલ પર ચર્ચા શરૂ કરી હતી. રાહુલ ગાંધી, ગૃહ મંત્રી અમિત શાહ, મહિલા અને બાળ વિકાસ મંત્રી સ્મૃતિ ઈરાની સહિત કુલ 60 સભ્યોએ આ બિલ પર ચર્ચામાં ભાગ લીધો હતો. જેમાં 27 મહિલા સભ્યોનો સમાવેશ થાય છે. ચર્ચાના જવાબમાં મેઘવાલે કહ્યું કે આ વખતે સરકારે એવી વ્યવસ્થા કરી છે કે મહિલાઓને આ વખતે રાહ જોવી પડશે નહીં. ટેકનિકલ મુદ્દાઓ પર તેમણે કહ્યું, “તમે (વિપક્ષ) ઇચ્છો છો કે આ બિલ ટેકનિકલ કારણોસર અટકી જાય, પરંતુ અમે આ વખતે તેને અટકવા નહીં દઈએ.” રાહુલ ગાંધી પર નિશાન સાધતા તેમણે કહ્યું કે કોંગ્રેસ બિલ લાવી શકી નથી. કારણ કે તેની પાસે ન તો નીતિ હતી, ન ઇરાદો કે ન નેતૃત્વ. તેમણે કહ્યું, “અમારી પાસે મોદીજી જેવી નીતિ, ઈરાદા અને નેતૃત્વ પણ છે.”
લોકસભામાં મહિલા સભ્યોની સંખ્યા વધીને 181 થશે
‘નારીશક્તિ વંદન બિલ’ કાયદો બન્યા બાદ 543 સભ્યોની લોકસભામાં મહિલા સભ્યોની સંખ્યા વર્તમાન 82 થી વધીને 181 થઈ જશે. રાજ્ય વિધાનસભાઓમાં મહિલાઓ માટે 33 ટકા બેઠકો પણ અનામત રાખવામાં આવશે. મેઘવાલે મંગળવારે લોકસભામાં કહ્યું હતું કે હાલમાં બિલમાં 15 વર્ષ માટે અનામતની જોગવાઈ કરવામાં આવી છે અને તેને લંબાવવાનો અધિકાર સંસદને હશે. કેન્દ્રીય મંત્રીએ સ્પષ્ટતા કરી હતી કે મહિલાઓ માટે પણ અનામત બેઠકોમાં અનુસૂચિત જાતિ/અનુસૂચિત જનજાતિ માટે અનામત હશે.
