એક એવી દુનિયા જ્યાં તમને દરેક વસ્તુ અલગ  દેખાશે !!!

– 60 ટકા લોકોએ ડીજીટલ દુનિયામાં ડીજીટલ અવતાર વિકસાવવાનુ પસંદ કર્યું: મનોવિજ્ઞાન ભવનાના સર્વેમાં ચોકાવનારા ખુલાસા બહાર આવ્યા

– મેટાવર્સની દુનિયામાં કાલ્પનીક રોમાન્સ કરતા યુવાધન ભવિષ્યમાં શારીરીક અને માનસિક નબળા બનવાની સંભાવના વધુ ધરાવે છે: ડો. યોગેશ જોગશન

– મેટાવર્સની કાલ્પનીક દુનિયાની લોકો સ્ટ્રેસ, ડિપ્રેશન જેવા રોગોનો ભોગ બનશે!!!

અબતક,રાજકોટ

ડીજીટલ દુનિયા અને તેની અસરો વિશે મનોવિજ્ઞાન ભવનના અધ્યાપક ડો. ધારા આર. દોશી અને ભવન અધ્યક્ષ ડો. યોગેશ જોગસણ દ્વારા એક સર્વે કરવામાં આવ્યો હતો. આ સર્વેમાં કુલ 630 વ્યક્તિઓએ ડીજીટલ દુનિયા* વિશેના પોતાના મંતવ્યો ગુગલ ફોર્મ દ્વારા જણાવ્યા હતા. જેમાં 45.30% વ્યક્તિઓ 15 થી 25 વર્ષના, 25.70% વ્યક્તિઓ 26 થી 35 વર્ષના, 20.60% વ્યક્તિઓ 36 થી 45 વર્ષના અને 8.40% વ્યક્તિઓ 45થી વધુ ઉમરના વ્યક્તિઓ હતા.આ સર્વેમાં ચોંકાવનાર હકીકતો સામે આવી છે.

• શું તમે ડીજીટલ દુનિયા અને વર્ચ્યુલ દુનિયા વિશે જાણો છો?* જેમાં 50% લોકોએ હા કહી.

• ડીજીટલ દુનિયામાં તમારો ડીજીટલ અવતાર વિકસાવવાનું પસંદ કરશો? જેમાં 60% લોકોએ હા કહી.

• તમને ડીજીટલ માનવી સાથે મળવાનું પસંદ કરશો? જેમાં 60% લોકોએ હા કહી. આ બહુ વિચાર માગે એવી ઘટના છે જે દર્શાવે છે કે લોકોનો લોકો સાથેનો સંપર્ક ઓછો થતો જાય છે.

• ડીજીટલ દુનિયા વિક્સવાથી વાસ્તવિકતા જીવન સાથે નાતો તૂટી જતો લાગે છે?* જેમાં 50% લોકોએ હા જણાવી.

• શું તમે મેટા મેરેજ અને સબધોને યોગ્ય ગણો છો?

• 75% લોકોએ ના કહી.

• ડીજીટલ દુનિયાથી સામાજિક જીવનમાં નુકશાન શક્ય છે?* 87.50 લોકોએ હા કહી.

• વાસ્તવિક દુનિયામાં સમાયોજન ન સાધી શકવાને કારણે લોકોને ડીજીટલ દુનિયાનું ઘેલું લાગ્યું છે? જેમાં 90% લોકોએ હા કહી.

• યાંત્રીક દુનિયાની દોડ માં માનવી વાસ્તવિકતા ભૂલી ડીજીટલ બનતો જાય છે? 93.80% લોકોએ હા કહી.

• શું ડીજીટલ અને મેટા દુનિયા લોકોને વાસ્તવિક સબધોથી દુર લઇ જશે? 81.30% લોકોએ હા કહી.

જીવન અને મૃત્યુ વચ્ચેનો તફાવત ખતમ થવાનો ભય, બે ખાસ કિસ્સાઓ

એક કેસ જેમાં એક સ્ત્રી પર ચાર પાંચ અવતારી પુરુષોએ ડિજિટલ બળાત્કાર કર્યો અને સ્ત્રી ની માનસિકતા નો પરિચય થયો. તમિલનાડુના એક યુવક અને યુવતીએ વર્ચ્યુલ દુનિયામાં જઈને અવતાર ધારણ કરીને લગ્ન કર્યા જેમાં મૃત પિતા અવતાર ધારણ કરીને આશીર્વાદ આપવા હાજર રહ્યા..આ બાબતો જણાવે છે કે વાસ્તવિકતાથી લોકો ક્યાંક દૂર ભાગી અવતારો બનાવી રહ્યા છે.

મેટાવર્સ વ્યક્તિની માનસિકતા વધુ સંકુચિત બનાવી શકે છે કારણ કે આ સોશિયલ નેટવર્કિંગ વેબસાઇટ પર વ્યક્તિઓ એ  સમાચાર અને દૃશ્યો શોધે છે એ જે પોતાના અભિપ્રાય સાથે મેળ ખાય છે.  મેટાવર્સ આપણને લોકોથી અલગ પાડે છે, પૂર્વગ્રહો બનાવે છે અને તેને કાયમી રાખવામાં મદદ કરે છે અને ક્યારેક ખોટી માહિતી પણ આપે છે.

મનોવિજ્ઞાન ના મતે  સંશોધન દર્શાવે છે કે જે લોકો મેટાવર્સનો ઉપયોગ કરે છે તેઓ ચોક્કસ સંદર્ભોમાં માહિતી પસંદ કરે છે અને શેર કરે છે અને બાકીની અવગણના કરે છે.અહીં ડિજિટલ ટેકનોલોજીની મદદથી વ્યક્તિ એક અજાણ્યા પ્રદેશ, વિશ્વમાં પહોંચી જાય છે. તે અવતાર ધારણ કરીને ફરતો હોય છે. આ સમાચારે વિજ્ઞાનના એક વિધાયક વિકાસના પાસા તરફ ધ્યાન દોર્યું. ઘણા લોકોએ તેને આવકાર્યું. હમણાં થોડા દિવસો પહેલા એક સ્ત્રીએ જે વાત જાહેર કરી તેના દ્વારા મેટાવર્સ દુનિયાની નિષેધક વાત રજૂ થઈ.