થોડા સમય પહેલા જ મોરબીના ઝુલતા પુલની દુર્ઘટના બની હતી જેના પડઘા સમગ્ર ભારતમાં પડ્યા હતા ત્યારે આજ રોજ વધુ દુર્ઘટના ટળી છે. મળતી માહિતી મુજબ આ ઘટના ટંકારા તાલુકાના ઉગમણા નાકા પાસેની છે જ્યાં સુશોભિત ગેટ આજે બપોરે તૂટી પડ્યો હતો.
ટંકારામાં ઉગમણા ગામે બપોરના સમયે સુશોભિત ગેટ તૂટી પડ્યો પરંતુ સદનસીબે કોઈ હાજર ના હોવાથી કોઈ જાનહાની થઈ નથી. આ ગેટ તૂટી પડ્યો ત્યારે એક સ્કૂલ બસ અહીંથી થોડે દુર જ હતી ત્યારે જો સ્કૂલ બસ અહીંથી પસાર થતી વેળાએ ગેટ તૂટી પડ્યો હોત તો મોટી દુર્ઘટના સર્જાઈ હોત.
લોકોમાં ભયનો માહોલ
ટંકારા પંથકમાં ગેટ તૂટયાની ઘટના ત્વરિત ફેલાઈ હતી. આ ઘટનાને લોકોને મોરબી દુર્ઘટનાની યાદ તાજી કરાવી હતી. ગેટ તૂટી પડ્યાના સમાચાર મળતા લોકોમાં ભય અને ફફડાટ ફેલાયો હતો. તસવીરોમાં જોવા મળે છે કે ગેટ તૂટીને ટુકડા-ટુકડા થઈ ગયો છે. ઘટના સ્થળે લોકો ભેગા થઈ ગયા હતા.
