ઇન્કમટેક્સ વિભાગે ત્રણ વર્ષના ગાળામાં ઇન્સ્ટાગ્રામ અને ફેસબુક જેવા સોશિયલ મીડિયા પ્લેટફોર્મ દ્વારા માલનું વેચાણ કરતા ઇટેલર્સ દ્વારા આશરે રૂ. 10,000 કરોડની કરચોરી શોધી કાઢી હોવાનું જણાવ્યું છે. વિભાગે આવી 45 સમગ્ર ભારતની બ્રાન્ડ્સને નોટિસ મોકલી છે અને આવનારા સમયમાં આગળની કાર્યવાહી કરવામાં આવશે.
રૂપિયા 10 હજાર કરોડની કર ચોરી કર્યાનું ખૂલ્યું : ૪૫ બ્રાન્ડને નોટિસો ફટકારાઈ
મોટી ઈકોમર્સ કંપનીઓ ઉપરાંત, ઈન્સ્ટાગ્રામ અને ફેસબુક પરની દુકાનો પર નજર રાખી રહ્યા છીએ અને લગભગ 10,000 કરોડ રૂપિયાની ચોરી શોધી કાઢી છે. નોટિસ ઓક્ટોબરના છેલ્લા સપ્તાહથી નવેમ્બર 15ની વચ્ચે મોકલવામાં આવી હતી અને તે મૂલ્યાંકન વર્ષ 2020 થી 2022 માટે છે. આવકવેરા વિભાગ દ્વારા 45 ઈ-ટેલર્સને નોટિસ મોકલી છે અને આગામી મહિનામાં વધુને નોટિસ મોકલીશું, અધિકારીએ જણાવ્યું હતું કે, આમાંથી કોઈ પણ મોટી ઈ-કોમર્સ કંપનીઓ નથી.
45માં 17 એપેરલ સેલર્સ, 11 જ્વેલરી સેલર્સ, છ શૂઝ અને બેગ સેલર્સ, પાંચ સ્થાનિક ફેશન સેલર્સ અને ચાર હોમ ડેકોર અને ફર્નિશિંગ એસેસરીઝનો સમાવેશ થાય છે. બાકીના લોકો ભેટ અને અન્ય સામાન વેચે છે. અધિકારીએ નામ જાહેર કર્યા વિના જણાવ્યું હતું કે, યાદીમાં કેટલાક મોટા રિટેલર્સનો સમાવેશ થાય છે જે મોટા પ્રેક્ષકો સુધી પહોંચવા માટે સોશિયલ મીડિયાનો ઉપયોગ કરે છે. તે વ્યક્તિએ કહ્યું કે તેમાંથી ઘણા લોકો તેમના ઉત્પાદનો વિદેશમાં પણ મોકલી રહ્યા છે.
ભારતમાં 330 મિલિયનથી વધુ સક્રિય ઈન્સ્ટાગ્રામ વપરાશકર્તાઓ છે, જે વિશ્વમાં સૌથી વધુ છે. દેશમાં સૌથી વધુ 380 મિલિયનથી વધુ ફેસબુક યુઝર્સ પણ છે. આ પ્લેટફોર્મ્સ દ્વારા ઉચ્ચ વપરાશકર્તા જોડાણ સાથે માલ વેચનારા રિટેલર્સની સંખ્યામાં વધારો થયો છે. અધિકારીઓએ જણાવ્યું કે આ 45 યુનિટનો બિઝનેસ ઘણો સારો છે. એક ઉદાહરણ આપતા અધિકારીએ જણાવ્યું હતું કે મુંબઈ સ્થિત ત્રણ સાડી ઈ-ટેલર્સ જ્યારે સ્ટાર-સ્ટડેડ ફેશન શોને પ્રાયોજિત કરતા હતા ત્યારે તેઓ આવકવેરા વિભાગના રડારમાં આવ્યા હતા.
તેઓ માત્ર એક નાની દુકાન અને વેરહાઉસ સાથે ઇન્સ્ટાગ્રામ દ્વારા વેચાણ કરે છે અને તેમનું ટર્નઓવર રૂ. 110 કરોડ છે, જ્યારે તેઓએ રૂ. 2 કરોડની આવક જાહેર કરીને રિટર્ન ફાઈલ કર્યું હતું,” અધિકારીએ વધુ વિગતો આપવાનો ઇનકાર કરતાં જણાવ્યું હતું. અર્થતંત્રની ડિજિટલ પ્રકૃતિ અને યુપિઆઈ અથવા નેટ બેન્કિંગ દ્વારા ચૂકવણી પણ વિભાગને વેચાણના આંકડા પર નજર રાખવામાં મદદ કરી રહી છે. સામાન વેચવા માટે સોશિયલ મીડિયા પ્લેટફોર્મનો ઉપયોગ કરતા લોકોની સંખ્યા વધી રહી હોવા છતાં, આવી આવક સામાન્ય રીતે જાહેર કરવામાં આવતી નથી અને કર ચૂકવવામાં આવતો નથી.
