રાજકોટ: આણંદપરમાં આઈસર વળાંક વાળવા બાબતે યુવાન પર હુમલો

નવાગામ આણંદપરમાં આવેલા નારાયણ નગરમાં રહેતા કીશનભાઇ ઉર્ફે કાનજીભાઇ ઉર્ફે કાનાભાઇ મેરૂભાઇ ટમાલીયા (ઉ.વ.૧૯)એ પોતાની ફરિયાદમાં મંછા રેવાભાઇ વાંકીયા,નવઘણ ભીમા સાનિયા,વહાણ ભીમાભાઇ સાનિયા,દિનેશ વહાણભાઈ સાનિયા અને વિજય રેવા વાંકીયા વિરુદ્ધ ફરિયાદ નોંધાઈ છે. કિશનભાઈએ ફરિયાદમાં જણાવ્યું હતું કે,હું નવાગામ ખાતે માલધારી રોડવેઝ નામે ટ્રાન્સપોર્ટ ચલાવુ છું.આજે તા.૨૬/૦૬ના સાંજના હું તથા મારા ડ્રાઇવર ભાવેશભાઇ તલસાણીયા અમે બન્ને મેંટાડોર લઇને નવાગામે આવેલા ઇન્ડીયન ઓવર્સીસ બેન્કની બાજુમાં સૌરાષ્ટ્ર ટ્રાન્સપોર્ટમાં ગાડી ખાલી કરી ત્યાંથી નીકળતા હતા તે વખતે ડ્રાઇવર ભાવેશભાઇ ગાડીનો વળાંક લેતા હતા.ત્યારે સામેથી એક રીક્ષા આવી અને અમારી ગાડીની સામે ઉભી રાખી તેમાંથી મછાભાઇ રીક્ષામાંથી ઉતરી મને અને ડ્રાઇવરને આવી રીતે ગાડી કેમ વળાંક વાળો છો? કહી બોલાચાલી કરી ગાળો આપી હતી.