જિલ્લા કલેકટર રેમ્યા મોહને આજ રોજ રેલવે જંકશન પાસે આવેલા ઇવીએમના વેર હાઉસની મુલાકાત લીધી હતી. જેમાં તેઓની સાથે અધિક જિલ્લા કલેકટર પરિમલ પંડ્યા, નાયબ જિલ્લા ચૂંટણી અધિકારી ધાધલ સહિતના અધિકારીઓ ઉપસ્થિત રહ્યા હતા. આ વેળાએ જિલ્લા કલેકટર દ્વારા વેરહાઉસનું નિરીક્ષણ કરીને સૂચનો આપવામાં આવ્યા હતા. ઉલ્લેખનીય છે કે ચૂંટણી પંચના નિયમ મુજબ દરેક જિલ્લામાં દર ત્રણ મહિને જિલ્લા ચૂંટણી અધિકારી ગણાતા કલેકટરને ઇવીએમના વેરહાઉસની મુલાકાત લેવાની હોય છે. જે સંદર્ભે કલેકટર દ્વારા આજે આ વેરહાઉસની મુલાકાત લીધી હતી. જેમાં ગત લોકસભા ચૂંટણી વખતેના બીયું, સીયુ અને વિવિપેટને સુરક્ષિત રાખવામાં આવ્યા છે..
