રાજકોટથી બેટીગામ જતી વેળાએ બેડી ગામ પાસે યુવતીની પજવણી કર્યાનો ખાર રાખી ર્સ્કોપીયો કારમાં અપહરણ કરી જઈ બેટીગામના ત્રણ શખ્સોએ ઢીકાપાટુનો મારમારી લાકડાના ધોકાથી ફટકાર્યા અંગેની ફરિયાદ બી ડીવીઝન પોલીસ સ્ટેશનમાં નોંધાઈ છે. બનાવ અંગે પી.આઈ એમ.બી.ઓસુરાએ વધુ તપાસ હાથધરી છે. પ્રાપ્ત વિગતો મુજબ બેડી ગામ માર્કેટીંગની યાર્ડમાં બાજુમાં રહેતો જયરાજ કેશુભાઈ દાળોચા (ઉ.વ.૧૭)એ પોતાના ભાઈ વનરાજ સાથે શાળાએથી છુટી એકટીવા લઈ ઘરે જતો હતો ત્યારે મોરબી હાઈવે પર બેડી ચોકડી પાસે એકટીવાને આંતરી સ્કોર્પિયો કારમાંથી ઉતરેલા ત્રણ શખ્સોએ યુવતીના પ્રેમસંબંધ મુદ્દે વનરાજને ફડાકા ઝીંકી દઈ ફોન પડાવી લીધો હતો. જયારે પ્રેમી જયરાજ દાળોદાને બળજબરીથી કારમાં બેસાડી લાલપરી ગામની સીમમાં લઈ જ લાકડાના ધોકા વડે તથા ઢીકાપાટુનો મારમારી હાથ-પગ ભાંગી નાખી જાનથી મારી નાખવાની ધમકી આપી હતી. ઘવાયેલા કોળી યુવાને બેટી ગામના વિપુલ અજાણી, રવિ બાવાજી અજાણી, સની રમેશ અજાણીની ચુંગલમાંથી નાસી છુટી ઘાસની વીડીમાં સંતાઈ ગયા બાદ બનાવ અંગે પિતાને જાણ કરી હતી. અપહરણ કર્યા બાદ ઢોર માર માર્યાના બનાવ અંગે તાકિદે પિતા કેશુ છગન દાળોદ્રાને જાણ થતા બી ડીવીઝન પોલીસ સ્ટેશનના પી.આઈ એમ.બી. ઓસુરાને જાણ કરી પોલીસવાનમાં બેસી પુત્ર જયરાજની શોધખોળ કરી સારવાર અર્થે ખસેડયો હતો. ઘવાયેલા જયરાજ દાળોદ્રા ભાનમાં આવતા બી ડીવીઝન પોલીસે બેટી ગામના વિપુલ અજાણી, રવિ અજાણી, સની અજાણી સામે અપહરણ, મારામારી, બળજબરી, ધમકી સહિતની કલમો હેઠળ ગુનો નોંધી ત્રણેયની શોધખોળ હાથધરી છે. પોલીસની પ્રાથમિક તપાસમાં અપહરણકારોના મારથી ઘવાયેલા જયરાજને અગાઉ વિપુલ અજાણીની ભત્રીજા સાથે પ્રેમસંબંધ હોય, જે બાબતનો ખાર રાખી અગાઉ પણ માથાકૂટ થઈ હતી જેમાં સમાધાન થયા બાદ ફરીથી મામલો ઉગ્ર બનતા ત્રણેય શખ્સોએ જયરાજનું અપહરણ કરી મારકુટ કરી હતી.
Trending
- કાળઝાળ ગરમીમાં બનાવો હોમમેડ નારિયેળનો આઈસ્ક્રીમ
- સુરત : આંતરરાજ્ય ગેંગનો ખૂંખાર શિવા મહાલિંગમ તેના બે સાગરીત સાથે ઝબ્બે
- સુરતમાંથી પકડાયેલા મૌલવીના 11 દિવસના રિમાન્ડ મંજૂર
- મીઠાની ખાણ અને ખોપરીના ઘર માટે પ્રખ્યાત આ ગામ જોવા લાખો લોકો આવે છે
- ATM માંથી ફાટેલી નોટો નીકળે તો તરત જ આ કરો
- શું તમને પણ નખ ચાવવાની ખરાબ આદત છે?
- ઉછાળા સાથે ખુલ્લું શેરમાર્કેટ
- શું તમને પણ ક્રોસ પગવાળું બેસવું કમ્ફર્ટેબલ લાગે છે?